وڏو گناھ هوندو۔ اڄ اسان جي معاشري ۾ قرباني جي جانور تي گھڻو ظلم ڪيو ويندو آهي، اچو! هن باري ۾ سپٽمبر 2017 جي ماهنامه فيضانِ مدينه مان ڪجھ مدني گل ٻڌون ٿا:

قرباني جي جانورن تي ٿيڻ واري ظلم جو مثالون:

مويشي مندين ۾ آندل بي زبان جانورن تي ظلم جون مثالون:

 (1) پري وارن علائقن مان آيل جانورن کي سفر دوران مناسب خوراڪ ناهي ڏني ويندي۔ (2) ننڍي گاڏي ۾ وڏو جانور، يا گھٽ جاءِ ۾ ڪيئي ڪيئي جانور ائين سوار ڪيا ويندا آهن جو اهي ٿڪجڻ جي صورت ۾ ويهي به نه سگھندا آهن۔ (3) ڪافي ماڻهو جانور کي سوار ڪرڻ مهل گاڏي ۾ ريت يا ڀوء وغيره نٿا وجھن جنهن سبب ڪڏهن ته جانور پنهنجي ئي لڏ ۽ پيشاب سان ترڪي ڪري پوندا آهن جنهن سبب ڪڏهن ڪڏهن ته انهن جي ٽنگ ٽٽي پوندي آهي يا اهي زخمي ٿي پوندا آهن۔ (4) مَنڊي ۾ پهچڻ وارن جانورن کي گاڏي مان لاهڻ يا يا چاڙهڻ جي لاءِ مناسب جڳھ جو انتظام ناهي هوندو ته پنهنجي آساني جي لاءِ گاڏي مان ٽپو ڏياريو ويندو آهي جنهن سان ڪئي ڀيرا جانور زخمي به ٿي ويندا آهن ۽ قرباني لائق ناهن رهندا۔ (5) منڊي ۾ خرچو بچائڻ جي لاءِ به بي زبان جانورن کي بکايل رکيو ويندو آهي، هڪ ڀيري ڪنهن اٺ خريد ڪيائين ته وڪڻڻ واري ان جي ڪن ۾ چيائين ته هي ڪافي ڏينهن کان بکايل آهي ان کي چارو کارائجو۔ (6) منڊي ويندڙن ۾ تماشو ڏسڻ وارن جو به هڪ تعداد هوندو آهي جيڪي بلاوجه جانورن جا ڏند ڏسڻ جي تقاضا ڪندا (جنهن تي جانور جو مالڪ ان جي منهن کي وڏي بي دردي سان کوليندو آهي ۽ وڪڻڻ کان پهريان جانور غالباً ڪيئي ڀيرا هن تڪليف مان گذرندو آهي)، ويٺل جانور کي ٿڏو يا لٺ هڻي بيهاريندا آهن، هروڀرو رش لڳائي شور ڪري جانور کي خوفزده ڪندا آهن۔ (7) جڏهن جانور منڊي مان خريدي گھر آندو ويندو آهي ته لاهڻ مهل ٻار ۽ وڏا گوڙشور ڪري جانور کي پريشان ڪندا ۽ ان جي ٽپا ڏيڻ سان خوش ٿيندا آهن۔ جنهن سان بعض اوقات ته جانور ڊڄي ڀڄي ويندو آهي، ڪنهن کي زخمي ڪندو آهي يا کڏ وغيره ۾ ڪري پنهنجي ٽنگ ٽوڙائي ويهندو آهي۔ (8) جانور کي گھمائڻ جي نالي تي ٻار ۽ وڏا هروڀرو ان جو ڪن ڇڪيندا، پڇ گھمائيندا، شور ڪندا آهن جنهن سان جانور ٽهندا ۽ ڊڄندا آهن۔ جانورن تي ظلم ڪرڻ وارا سنڀلجي وڃن ڇوته بروز ِقيامت ان جو حساب ڪيئن ڏئي سگھندا؟