بلڪ ان جي بارگاھ ۾ خلوصِ نيت ۽ اخلاصِ عمل جو قدر آهي، نهايت ئي معمولي عمل جيڪڏهن انسان اِخلاص ۽ نيڪ نيتي سان ڪري ته هو ربّ ِڪريم ان عمل جي ثواب ۾ ٻانهي کي پنهنجي رضوان و غُفران (يعني رضا ۽ مغفرت) جي نعمتن سان سرفراز فرمائي ان کي جنَّتُ الفردوس جو رهائشي بڻائي ڇڏيندو آهي۔ ڪنهن ڇا ته خوب چيو: يعني خدا جي رحمت ٻانهن کي بخشڻ جو بهانو ڳولهيندي آهي، خدا جي رحمت ٻانهن کان مغفرت جي قيمت طلب ناهي ڪندي۔  (منتخب حديثيں،ص۱۴۲)

بَخش دے میری ساری خَطائیں                                           کھول دے مجھ پر اپنی عَطائیں

بَرسا دے رَحْمَت کی بَرکھا                                                یااللہ مِری جھولی بھر دے!

مک تي رحم ڪرڻ مغفرت جو سبب بڻجي ويو

 ڪنهن خواب ۾ حُجَّةُ الاِسلام حضرت سيِّدُنا امام محمّد بن محمّد غزالي رَحْمَة اللّٰهِ تَعَالٰى عَلَيۡه کي ڏسي پڇا ڪيائون؛ الله پاڪ اوهان سان ڪهڙو معاملو فرمايو؟ جواب ڏنائون؛ الله پاڪ مون کي بخشي ڇڏيو، پڇيائين ته مغفرت جو سبب ڇا ٿيو؟ فرمايائون؛ هڪ مک منهنجي قلم تي مس INK)) پيئڻ جي لاءِ ويٺي ته مان لکڻ کان رڪجي ويس ايستائين جو اها فارغ ٿي اُڏامي وئي. (لطائفُ الْمِنَن وَالْاَخلاق،ص۳۰۵)

مک کي مارڻ ڪيئن؟

شيخِ طريقت، اميرِاهلسنت ابو بلال محمد الياس عطارقادري رضوي
دَامَـتْ بَـرَكَـاتُـهُـمُ الْـعَـالِـيَـهْ پنهنجي رسالي ”ابلق گھوڙي سوار“ ۾ فرمائن ٿا: ياد رهي! مکيون تنگ ڪن ته انهن کي مارڻ جائز آهي پوءِ به جيڪڏهن فائدو حاصل ڪرڻ يا نقصان پري ڪرڻ جي لاءِ مک يا ڪنهن به بي زبان کي مارڻو پوي ته ان کي آسان کان آسان طريقي تي ماريو وڃي خوامخواه ان کي هر هر زنده چيڀاٽڻ يا هڪ وار ۾ ماري سگھو ٿا پوءِ به زخمي ڪري بلا ضرورت ڌڪ هڻڻ يا ان جي بدن جا ٽڪرا ٽڪرا ڪري ان کي تڙپائڻ وغيره کان پاسو ڪيو وڃي، اڪثر نادان ٻار ڪِولِن وغيره کي چيڀاٽيندا رهندا آهن انهن کي ان کان روڪيو وڃي، ڪِولِ ڪمزور هوندي آهي چپٽي ۾ کڻڻ يا هٿ يا ٻهاري سان هٽائڻ سان عموماً زخمي ٿي ويندي آهي، موقعي مناسبت سان ان کي ڦوڪ ڏيڻ کان به ڪم هلائي سگھجي ٿو.(ابلق گھوڙي سوار،ص۲۱ملخصا)