میٹھے میٹھے اسلامی بھائیو ! آئیے! اللہ پاک کی رضا پانے اورثواب کمانے کے لئے پہلے اَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘ مُسَلمان کی نِیَّت اُس کے عمل سے بہتر ہے۔ (اَلمُعجمُ الکبیر لِلطّبرانی،۶ / ۱۸۵ ،حدیث:۵۹۴۲)

دو مَدَنی پھول:(۱)بِغیر اَچّھی نِیَّت کے کسی بھی عملِ خَیْر کا ثواب نہیں ملتا۔

               (۲)جِتنی اَچّھی نیّتیں زِیادہ،اُتنا ثواب بھی زِیادہ۔

بَیان سُننے کی نیّتیں:

نگاہیں نیچی کیے خُوب کان لگاکر بَیان سُنُوں گا ٭ٹیک لگا کر بیٹھنے کے بجائے عِلْمِ دِیْن کی تعظیم کے لیے جب تک ہوسکادو زانو بیٹھوں گا ٭صَلُّوْا عَلَی الْحَبِیْبِ، اُذْکُرُوااللّٰـہَ، تُوبُوْا اِلَی اللّٰـہِ  وغیرہ سُن  کر ثواب کمانے اور صدا لگانے والوں کی دل جُوئی کے لئے بُلند آواز سے جواب دوں گا ٭بَیان کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میٹھےمیٹھےاسلامی بھائیو!اللہ پاک کاکروڑہا کروڑ احسان اوربےحدشکرہےکہ ہم مسلمان ہیں اور اللہ پاک نےہمیں بہتراندازمیں زندگی گزارنےکےلیےدینِ اسلام کےبنیادی اصول اوراس کے علاوہ بےشمار ایسے اعمال کے بارے میں رہنمائی فرمائی ہے جن پر عمل کرکےہم اپنی دنیاوی واُخروی زندگی کو اچھےاندازمیں  سنوارسکتےہیں۔ان  اعمال میں سےایک بہترین عمل ”حُسنِ سلوک“بھی ہےجوکہ اللہ پاک کےپسندیدہ اعمال میں سےایک عمل ہے۔حُسنِ سلوک کےزیادہ حقدارقریبی رشتےداریعنی والدین، بہن اور بھائی  وغیرہ ہیں۔آج دعوتِ اسلامی کےہونےوالےہفتہ وارسنتوں بھرےاجتماع میں  ہم بہن بھائیوں سےحُسنِ سلوک  کےفضائل وبرکات کےمتعلق بیان سنیں گے، آئیے! اس بارے میں ایک