Book Name:Faizan e Sayeduna Imaam Bukhari
کا تَجْرِبَہ ہوچکا ہے۔(بستان المحدثین،ص۲۷۴)حکیمُ الاُمّت حضرت مفتی احمد یار خان نعیمی رَحْمَۃُ اللّٰہ ِتَعَالٰی عَلَیْہ فرماتے ہیں:بعدِ قرآن شریف صحیح تر کتاب بُخاری شریف مانی گئی ہے،مصیبتوں میں خَتْم ِ بُخاری کیا جاتا ہے،جس کی بَرَکت اور اللہ پاک کے فَضْل سے مصیبتیں ٹل جاتی ہیں۔(مرآۃ المناجیح،۱/۱۱ ملخصاً)
مجھے آفتوں نے گھیرا، ہے مصیبتوں کا ڈیرا یانبی مدد کو آنا مَدَنی مدینے والے
(وسائل بخشش مرمم،ص۴۲۷)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!فَیضانِ اِمام بُخاری سے مالا مال ہونے کے لئے عاشقانِ رسول کی مَدَنی تحریک دعوتِ اسلامی کے مَدَنی ماحول سے وابستہ ہو کر خدمتِ دین کے لئے اپنی خدمات پیش کیجئے۔اَلْحَمْدُ لِلّٰہ عَزَّ وَجَلَّ دعوتِ اسلامی دنیا بھر میں کم وبیش 104شُعبہ جات میں نیکی کی دعوت کی دُھومیں مچانے میں مصروفِ عمل ہے۔اِنہی شُعبہ جات میں سے ایک شُعبہ”مجلسِ رابِطہ بالعُلَماء والمشائخ“بھی ہے۔اِس شُعبے کا بُنیادی مَقْصَدعاشقانِ رسول کے عُلَمائے کِرام و مشائخِ عِظام مَثَلاًاَئمّۂ مساجِد،خُطَبا اور پِیرانِ طریقت وغیرہ کو دعوتِ اسلامی کی دِینی خدمات سے آگاہ کرنا،مَدَنی کاموں میں اُن کی مدد(Help) حاصِل کرنا،اُن کی دُعائیں لینا،سُنّی جامعات و مَدَارِس میں مَدَنی کاموں کی ترکیب بنانا،ہفتہ وار سُنّتوں بھرے اِجتماع،مَدَنی مُذاکَرے،مُختلِف سُنَّتوں بھرے اِجتماعات میں عاشقانِ رسول کے جامعات و مَدارِس کے طَلَبَۂ کِرام کی شِرکت کروانااوراُن کے لیے مناسِب خَیرخواہی کا اِنتظام کرناہے۔اللہ کریم دعوتِ اسلامی اور”مجلسِ رابِطہ بالعُلَما والمشائخ“کو مزید ترقّیاں عطا فرمائے اور ہمیں دعوتِ اسلامی کے مَدَنی ماحول پر اِستقامت نصیب