Share this link via
اعلي حضرت کی عبادت و ریاضت
امام احمد رضا خان رَحْمَۃُ اللّٰہ ِتَعَالٰی عَلَیْہ کا اپنی جھوٹی تعریف سے بچنے کا جذبہ صَد کروڑ مَرحَبا! اے کاش ہم بھی اپنی جُھوٹی سچی تعریف پر پُھولے نہ سَمانے کے بجائے اپنے کردار میں مزید نِکھار پیدا کرنے کی کوشش کِیا کریں ۔ یاد رکھئے ! اپنی جُھوٹی تعریف پر خُوش ہونا شَرعاًجائز نہیں۔اعلیٰ حضرت رَحْمَۃُ اللہِ تَعَالٰی عَلَیْہاِرْشاد فرماتے ہیں:اگر(کوئی )اپنی جُھوٹی تعریف کو دوست رکھے کہ لوگ اُن فَضائِل سے اُس کی ثَناء(یعنی تعریف) کریں جو اُس میں نہیں جب تو صریح حرامِ قَطعی ہے۔(فتاویٰ رضویہ : ۲۱/۵۹۷) اس لیے کسی کو اپنی جھوٹی تعریف کرنے ہی نہیں دینا چاہیے۔ بلکہ اگر کوئی ہماری ایسے اَوصاف سے تعریف کرے جو ہم میں پائے جاتے ہوں، تب بھی ایسے شَخْص کی ہاتھوں ہاتھ اِصْلاح کرنے کی ترکیب کر لی جائے اوراُسےتعریف کرنے سے باز رہنے کی تَلْقین کی جائے۔ قرآن و حدیث کی مُقدّس تعلیم سے پتا چلتا ہے کہ اپنی تعریف پر خُوش ہو کر پُھول جانے والا آدمی اللہ پاک اوراس کے رَسُول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو بے حدناپسند ہے اوراس قسم کے مَردوں اورعورتوں کے اِردگرد اکثر چاپلوسی کرنے والوں کا مجمع اِکٹھا ہو جاتا ہے اور یہ خُود غَرض لوگ تعریفوں کے پُل باندھ کر آدمی کو بے وَقُوف بناتے ہیں اورپھر لوگوں سے اپنے مطلب پورے کرتے اور بیوقوف بنانے کی داستان بَیان کرکے دوسروں کو ہنسنے ہنسانے کامَوقع فَراہم کرتے رہتے ہیں۔ لہٰذا ہرکسی کو چاپلوسی کرنے والوں اور مُنہ پر تعریف کرنے والوں سے ہوشیار رہنا چاہیے اور ہرگز ہرگز اپنی تعریف سُن کر خُوش نہ ہونا چاہیے۔
حدیثِ پاک میں ہے:”مَدّاحوں کے مُنہ میں خاک جھونک دو“(صحیح مسلم''، کتاب الزھد والرقائق، باب النھي عن المدح... إلخ، الحدیث: ۳۰۰۲، ص۱۶۰۰)اس حدیثِ پاک سے یہ مَدَنی پُھول ملا کہ اپنی تعریف پر پُھولے
BOOK TOPIC
- دُرُودِ پاک کی فضیلت:
- بَیان سُننے کی نیّتیں:
- ٹرین رُکی رہی:
- حِفْظِ قرآن کیوں اور کیسے:
- اپنی تعریف سے بچئے!
- امامِ اعظم کا تقویٰ:
- اپنی تعریف سُن کر کیا کریں؟
- تعلیمِ علمِ دین کی فضیلت:
- 8مدنی کاموں میں سے ایک مدنی کام’’مدنی دورہ ‘‘
- بے پردگی سے نجات مل گئی
- کبھی بھی روزہ نہ چھوڑا:
- مجلس مکتبۃالمدینہ
- مطالعہ کرنے کے مدنی پھول
