اعلی حضرت اور دعوتِ اسلامی

میٹھے میٹھے اسلامی بھائیو!دعوتِ اسلامی،علمِ دین کو پھیلانے اور دِین کی خدمت کرنے میں اعلیٰ حضرت ،امامِ اہلسنت مجدّدِ دین و مِلّت مولانا شاہ امام احمد رضا خان رَحْمَۃُ اللّٰہ ِتَعَالٰی عَلَیْہ  کے بیان کردہ 10روشن اُصولوں پر عمل کررہی ہے۔ آئیے!وہ 10اُصول  اور ان کی روشنی میں دعوتِ اسلامی کی مختصراًدِینی خدمات ملاحظہ کیجئے،چنانچہ اعلیٰ حضرت امام احمد رضا خان رَحْمَۃُ اللّٰہ ِتَعَالٰی عَلَیْہ فرماتے ہیں:

(1)عظیمُ الشَّان مدارس کھولے جائیں جن میں تعلیم کا باقاعدہ  سلسلہ ہو۔

اَلْحَمْدُ لِلّٰہ عَزَّ  وَجَلَّاس مقصد کے تحت دعوتِ اسلامی نے ملک و بیرونِ ملک کثیر جامعات المدینہ (للبنین وللبنات)،مدارس المدینہ(للبنین وللبنات)اوردارالمدینہ(للبنین وللبنات)قائم کئے ہیں۔

(2)طلبہ کو وظائف ملیں کہ کسی بھی طرح اُن میں شوقِ علمِ دِین پیدا ہو۔

اَلْحَمْدُ لِلّٰہ عَزَّ  وَجَلَّ دعوتِ اسلامی رہائشی طلبہ کو اعلیٰ تعلیمی نظام کے ساتھ ساتھ اُنہیں کھانے پینے کی ضروریات اور رہائش کی سہولیات فراہم کرتی ہے،جبکہتَخَصُّصْ فِی اللُّغَۃِ الْعَرَبِیَّہ(عربی لینگویج کورس)اور تَخَصُّصْ فِی الْاِنْجْلِیْزِیہ(انگلش لینگویج کورس)کرنے والے تمام طلبہ کی خدمت میں ان سہولیات کے علاوہ3600 روپے بطور ِوظیفہ پیش کرتی ہے۔

(3)عمدہ کارکردگی پر مدرّسوں(مُدَرِّسین)کو بھاری  تنخواہیں دی جائیں تاکہ جان توڑ کر کوشش کریں اور(9)جوہم میں (دینی)کام کے قابل موجود ہوں مگر اپنی معاش میں مشغول ہیں،وظائف مقرّر کرکے اُنہیں معاشی فکروں سے آزاد کیا جائے اور جس (دینی)کام میں اُنہیں مہارت ہو وہ کام کروایا جائے۔

اَلْحَمْدُ لِلّٰہ عَزَّ  وَجَلَّ مُدَرِّسین کی تنخواہوں کے بارے میں  اعلیٰ حضرت کے بیان کئے گئے اس اُصول پر عمل کرتے ہوئے دعوتِ اسلامی مُدرِّسین کو بہت معقول تنخواہیں،سالانہ اضافے اور بونس دینے کا اہتمام کرتی ہے ۔