Book Name:Achay Mahol Ki Barkaten
مُتَعلِّقہ شعبے کے نئے نئے اَفراد سے رابِطہ کِیا جاتا ہے،کوشش کی جاتی ہے کہ اپنے نگران کی مُشاوَرَت سے دَعوَتِ اِسْلَامی کی مدنی خبریں سارا سال ہی آتی رہیں مثلاً مکتبۃُ المدینہ بالخصوص شیخِ طریقت،امیر اَہلسنّت دَامَتْ بَرَکَاتُہُمُ الْعَالِیَہ کی جاری کردہ کتب و رسائل کے مَضامین و مدنی پھول،مبارک دنوں اورمہینوں کی نسبت سے رسائل وغیرہ مختلف اخبارات، جرائد و رسائل تک پہنچائے جاتے ہیں،دَعوتِ اسلامی کے تنظیمی اورتعارُفی مَقالات (Articles)،دعوتِ اسلامی کی مجلسِ نَشْرو اِشاعَت کے نام سے شَائِع کروانے کی بھی ترکیب بنائی جاتی ہے۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
میٹھے میٹھے اسلامی بھائیو!ماہِ رَمَضَانُ الْمُبارَک اپنے دامن میں رحمتوں اوربرکتوں کے خزینے لئے ہمارے درمیان جَلْوَہ گَر ہوااوراب عنقریب ہم سے رُخصت ہوجائے گا۔افسوس! ہم اس مہینے کا حق ادا نہ کرسکے۔آہ !اس کے رُخصت ہوتے ہی عبادات کا ذَوق بھی کَم ہوجائے گا ۔
تیرے آنے سے دِل خوش ہوا تھا اور ذوقِ عبادت بڑھا تھا
آہ اب دل پہ ہے غم کا غَلَبہ اَلْوَدَاع اَلْوَدَاع آہ رمضاں
آیئے رَمَضَان کی بقیہ ساعتوں کوغَنِیْمَت جانتے ہوئے نیکیوں میں اور زیادہ کوشش کریں اور یہ بھی نیّت کریں کہ ماہِ رَمَضَانُ الْمُبارَک میں عمل کا جو جذبہ نصیب ہوا ،اُسے سال کے باقی گیارہ(11) مہینوں میں بھی قائم رکھنے کی کوشش کریں گے۔بِالْخُصُوص عیدِ سَعِیْد کے موقَع پر گناہوں میں مبتلا ہوکر رَمَضان کی ساری محنت ضائِع کرنے کے بجائے خوشیوں بھرے لمحات بھی اللہعَزَّ وَجَلَّ اور اس کے رسول صَلَّی اللّٰہُ