کا موقع ملے گا،اِس  ذِمہ داری کی برکت سے مدنی اِنعامات پر عمل اور مدنی قافلوں میں سفرکی سعادت ملتی رہے گی،لہٰذا ہمیں اپنی تنظیمی ذمہ داری کے مطابق مدنی کاموں میں لگے رہنا چاہئے،12مدنی کاموں میں سے جس مدنی کام کو کرنے کا ہم جذبہ رکھتے ہوں،اپنے ذِمَّہ داران سے رابطہ کرکےان مدنی کاموں کے ذریعے نیکی کی دعوت کی دُھومیں مچانا شروع کر دیں۔

یاد رہے!ذیلی حلقے کے12مدنی کاموں میں سے روزانہ کا  ایک مَدَنی کام ”مدنی درس“بھی ہے،جو عِلْمِ دِیْن  سیکھنے سکھانے کا بہترین ذریعہ ہے۔امیرِ اہلسنّت،بانیِ دعوتِ اسلامی حضرت علامہ ابوبلال مولانا محمد الیاس عطار قادری رضوی ضیائی دَامَتْ بَرَکاتُہُمُ الْعَالِیَہ کی چند کُتُب و رَسَائِل کے عِلاوہ آپ کی باقی تمام کُتُب و رَسَائِل بِالْخُصُوص”فَیضانِ سُنّت“جلداَوَّل اور”فَیْضانِ سُنّت“جلد دُوُم کے اِن ابواب(1)”غیبت کی تباہ کاریاں“اور(2)”نیکی کی دعوت“سے مَسْجِد،چوک،بازار،دُکان، دفتر اور گھر وغیرہ میں دَرْس دینے کو تنظیمی اِصْطِلَاح میں”مَدَنی دَرْس“ کہتے ہیں۔

٭مَدَنی دَرْس بہت ہی پیارا مَدَنی کام ہے کہ اِس کی بَرَکت سے مسجد کی حاضِری کی باربارسعادت نصیب ہوتی ہے۔٭مَدَنی دَرْس کی بَرَکت سے مطالعے کاموقع ملتا ہے۔٭مَدَنی دَرْس کی بَرَکت سے مسلمانوں سےملاقات وسلامکی سُنّت عام ہوتی ہے۔٭مَدَنی دَرْس کی بَرَکت سے امیرِ اَہلسُنّت دَامَتْ بَـرَکاتُہُمُ الْعَالِیَہ   کے مُختلِف موضوعات پرمُشْتَمِل کُتُب و رسائل سے عِلْمِ دِین سے مالامال قِیمتی مَدَنی پُھول اُمّت ِ مُسْلِمَہ تک پہنچائے جا سکتے ہیں۔٭مَدَنی دَرْس،بے نمازیوں کو نمازی بنانے میں بہت مُعاون و مددگار ہے۔ ٭مَدَنی دَرْس،مسجدکی حاضِری سے محروم رہنے والوں تک بھی نیکی کی دعوت پہنچانے کا ایک مُفید ترین ذریعہ ہے۔٭مسجدکے علاوہ چوک،بازار،دُکان وغیرہ میں اگر”مَدَنی دَرْس “ہوگا تو اِس کی بَرَکت سے دعوتِ اسلامی کے مَدَنی ماحول کی تشہیر و نیک نامی ہوگی۔٭مَدَنی دَرْس کی بَرَکت سے اَمیرِ اہلسنّت دَامَتْ بَـرَکاتُہُمُ الْعَالِیَہ  کی مُختلِفکُتُب و رَسائل کا تَعارُف(Introduction)عام ہوگا۔