پاک  کے دِین کی خدمت کرے ۔

اللہ کرم  ایسا کرےتجھ پہ جہاں میں

اے دعوتِ اسلامی تیری دھوم مچی ہو

صَلُّوْا عَلَی الْحَبِیْب!                                         صَلَّی اللّٰہُ تَعَالٰی عَلٰی مُحَمَّد

مجلس مدرسۃ المدینہ بالغات

میٹھی میٹھی اسلامی بہنو!نمازوں اور دیگر نیک کاموں میں اِسْتِقامت حاصِل کرنے کے لئے دعوتِ اسلامی کے مدنی ماحول سے وابستگی نہایت مُفید ہے۔اَلْحَمْدُ لِلّٰہ عَزَّ  وَجَلَّ!آج کے اس پُرفِتَن دور میں دعوتِ اسلامی کا مدنی ماحول بہت ہی عظیم نعمت ہے ۔آپ  بھی اس مدنی ماحول سے وابستہ رہئے اِنْ شَآءَ اللہ عَزَّ  وَجَلَّ  دُنیا وآخرت کی ڈھیروں  بھلائیاں حاصِل ہوں گی۔ دعوتِ اسلامی    کم وبیش 104 شعبہ جات  میں دین متین کی خدمت سرانجام دے رہی ہے ۔ان میں سے  ایک مدرسۃ ُالمدینہ  بالغات بھی  جس میں بڑی عمر کی بہنوں  کو  فی سبیل اللہ ناظرہ تعلیمِ قرآن  کے ساتھ ساتھ نمازکے  بُنیادی مسائل بتائے جاتے ہیں ،سُنّتیں اورآداب سکھائے جاتے ہیں۔ مدرسۃ المدینہ بالغات میں پڑھنے والیوں کی تعدادتقریباً63 ہزار سے زائد ہے۔

اللہ کرم ایسا کرے تجھ پہ جہاں میں                      اے دعوتِ اسلامی تیری دھوم مچی ہو

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو!بیان کواختتام کی طرف لاتےہوئےسُنّت کی فضیلت اور چند سُنّتیں اور آداب بَیان کرنےکی سعادت حاصل کرتی ہوں۔نبیِّ کریم  صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کافرمانِ جنّت نشان ہے:جس نے میری سُنّت سے محبت کی اُس نےمجھ سےمَحَبَّت کی اورجس نے مجھ سے مَحَبَّت کی وہ جنّت میں میرے ساتھ ہوگا۔( مشکاۃ الصابیح، کتاب الایمان،باب الاعتصام بالکتاب والسنۃ،۱/ ۹۷، حدیث: ۱۷۵)