مٺا مٺا اسلامي ڀائرو! رَمَضانُ المبارَڪ جو مهينو جاري ۽ ساري آهي۔ هن مبارَڪ مهيني جي سَترهن (17) تاريخ تي اُمُّ المؤمنين، زَوجَه رسولِ ڪريم، حبيبهء حبيبِ خدا حضرت سَيدَه عائشه صِدِّيقه، عالِمَه، مُفتِيه، مُفَسِّرَه، مُحَدِّثَه، فَقِيهه، عابِده، زاهده، طَيبَه، طاهره، عَفِيفَه رَضِىَ اللّٰهُ تَعَالٰى عَنْها جو يومِ وِصال آهي۔ اچو! انهيءَ مُناسَبَت سان اڄ اسان سندن شان ۽ عظمت، وصف ۽ ڪمال، گڏوگڏ سِيرتِ مبارڪه جي ڪجھ روشن پهلوئن جي باري ۾ ٻڌڻ جي سعادت حاصِل ڪنداسين۔ پهريان سندن رَضِىَ اللّٰهُ تَعَالٰى عَنْها  جو مُختَصر تعارُف ٻڌون ٿا، جيئن

اُمُّ المؤمنين سيدَتُنا عائشه صِدِّيقه جو تَعارُف

حضرت سَيدَتُنا عائشه صِدِّيقهرَضِىَ اللّٰهُ تَعَالٰى عَنْها اُمُّ الْمُؤمنِين (يعني مومنن جي ماءُ آهن، سندن رَضِىَ اللّٰهُ تَعَالٰى عَنْها جو مبارڪ نالو، عائشه، ڪُنيت اُمِّ عبدُاللہ ، والِده جو نالو ”اُمِّ رُومان“ ۽ والد اميرُالمؤمنين حضرت سَيدُنا ابوبَڪر صِدِّيق رَضِىَ اللّٰهُ تَعَالٰى عَنْه آهن۔ (مدارج النبوت،قسم پنجم،باب دوم،ذڪرازواج…الخ،۲/۴۶۸ملخصاً) 17 رَمَضانُ المبارَڪ 57 يا 58 هجري ۾ مدينه منوَّره ۾ سندن وصالِ ظاهري ٿيو۔ حضرت سيدُنا ابوهرَيره رَضِىَ اللّٰهُ تَعَالٰى عَنْه سندن جنازي نماز پڙھائي ۽ سندن وصِيت موجب رات جو ماڻهن سندن رَضِىَ اللّٰهُ تَعَالٰى عَنْها کي جنَّتُ البَقِيع ۾ ٻين اَزواجِ مُطَهرات رَضِىَ اللّٰهُ تَعَالٰى عَنْهنَّ  جي پاسي ۾ دفن ڪيو ويو۔ (شرح الزرقاني،الفصل الثالث في ذڪرازواجه الطاھرات… الخ، عائشه ام المؤمنين، ۴/۳۹۲)

اُس مبارَک ماں پہ صَدقہ کیوں نہ ہو سب اَہلِ دِین      جو ہو اُمُّ الْمُؤمنین بِنْتِ اَمیرُ الْمُؤمنین

کیا مبارَک نام ہے کیسا پیارا ہے لقب            عائشہ محبوبَۂ مَحبوبِ رَبِّ العَالَمِیْن

صَلُّوْا عَلَي الْحَبِيب!                                                         صَلَّي اللّٰه تَعَالٰي عَلٰي مُحَمَّد

مٺا مٺا اسلامي ڀائرو! هن ۾ ڪو شڪ ناهي ته تمام اُمَّهاتُ المُؤمنينرَضِىَ اللّٰهُ تَعَالٰى عَنْهنَّ اَجْمَعِين مقام ۽ مَرتبي ۽ ٻين خُصوصيتن ۾ ٻين عَورَتن کان اعلي آهن،