Book Name:Shan e Sayedatuna Aisha Siddiqa
میں سب دَولت رہِ حق میں لُٹا دوں شہا ایسا مجھے جذبہ عطا ہو
(وسائلِ بخشش مرمم ، ص۳۱۸)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد
سُبْحٰنَ اللہ عَزَّ وَجَلَّ!سُناآپ نے!اُمُّ الْمُؤمنِین حضرت سیِّدَتُنا عائشہ صِدِّیْقَہ،طَیِّبَہ،طاہِرہرَضِیَ اللّٰہُ تَعَالٰی عَنْہا کس قدرسخاوت و اِیثار کی پیکر تھیں۔اے کاش!سخاوت و اِیثار کا یہ مَدَنی جذبہ ہمیں بھی نصیب ہوجائےاورہم بھی راہِ خدا میں خوب خوب خَرْچ کرنے والے بن جائیں۔اَلْحَمْدُ لِلّٰہ عَزَّ وَجَلَّ دعوتِ اسلامی کا مَدَنی ماحول ہمیں سخاوت و اِیثارکی مَدَنی سوچ فراہم کرتاہے۔آئیے!اِس نعمتِ عُظمیٰ کو پانے کے لئے دعوتِ اسلامی کے مَدَنی ماحول سے وابستہ ہوجائیے اور اپنے صدقاتِ واجِبہ و نافِلہ کےذریعے دعوتِ اسلامی کے تحت قائم مدارِس المدینہ وجامعات المدینہ کی تَرَقِّی میں خوب خوب تعاوُن فرمائیے۔
اَلْحَمْدُ لِلّٰہ عَزَّ وَجَلَّ دعوتِ اسلامی کم و بیش 104شعبہ جات میں دینِ متین کی خدمت میں مصروفِ عمل ہے،اِنہی میں سے ایک شُعبہ”مجلسِ مزاراتِ اَوْلِیا“بھی ہے،اِس مجلس کے ذِمَّہ داران دیگر مَدَنی کاموں کےساتھ ساتھ صاحِبِِ مَزار کے عُرس کے موقع پر اِجتماعِ ذِکْر و نعت کا اِنْعِقاد کرتے ہیں، مزارات سے مُتَّصِل مساجِد میں عاشِقانِ رسول کے مَدَنی قافِلے سفر کرواتے ہیں،عُرس کےدنوں میں مزار شریف کے اِحاطے میں مَدَنی حلقے لگاتے ہیں،جن میں وُضو،غُسْل،تَیَمُّم،نَماز اور اِیصالِ ثواب کا طریقہ،مزارات پر حاضری کے آداب اور سرکارِ مدینہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی سُنّتیں سکھائی جاتی ہیں،زائرین کو دعوتِ اسلامی کے ہفتہ وار سُنَّتوں بھرے اِجتماع و مدنی مذاکرے میں شرکت،مَدَنی قافِلوں میں سفر اور مَدَنی اِنعامات پر عمل کی ترغیب بھی دلائی جاتی ہے،ایَّامِ عُرس میں صاحبِ مزارکی خدمت میں ڈھیروں ڈھیر اِیصالِ ثواب کے تحائف((Presents پیش کئے جاتے ہیں،یہ مجلس