(1)نبیِّ پاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَنے میرے عِلاوہ کبھی کسی کَنواری عَوْرت سے نِکاح نہیں فرمایا۔(2)میرے عِلاوہ اَزواجِ مُطَہَّرات رِضْوَانُ اللّٰہِ تَعَالٰی عَلَیْہِنَّ اَجْمَعِیْن میں سے کوئی بھی اَیسی نہیں جس کے ماں باپ دونوں مُہاجِر(ہجرت کرنے والے) ہوں۔(3)اللہ پاک نے میری پاک دامَنی کا بَیان  آسمان سے (قُرآن میں)نازِل فرمایا۔(4)(نِکاح سےپہلے)حضرت سَیِّدُنا جِبْرِیل عَلَیْہِ السَّلَام ایک رَیشمی کپڑے میں میری صورت لا کر بارگاہِ رسالت میں حاضر ہوئے اور عَرْض کی:اِن سے نکاح کرلیجئے کیونکہ یہ آپ کی زَوْجہ ہیں۔(5)میں اور نبیِّ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ ایک ہی برتن سےغُسْل کیا کرتےتھے،یہ شَرَف میرےعلاوہ اَزواجِ مُطَہَّرات رَضِیَ اللّٰہُ تَعَالٰی عَنْہُنَّ میں سے کسی کو بھی نَصِیب نہیں ہوا۔(6)حُضورِ اَقدَس صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نمازِ تَہَجُّد پڑھتے تھے اور میں آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے آگے سَوئی رہتی تھی،اُمّہاتُ الْمُؤمنِینرَضِیَ اللّٰہُ تَعَالٰی عَنْہُنَّ اجمعین میں سے کوئی بھی حُضورصَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی اِس کرِیمانہ مَحَبَّت سے سَرفراز نہیں ہوئی۔(7)رسولِ پاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ پر نُزولِ وَحی کے وَقْت نبیِّ پاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ   میرےپاس تشریف فرماہوتے،میرے عِلاوہ آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی اَزواج  میں سے کسی دوسری زوجَۂ مُحْتَرَمہ کے پاس آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ پر وَحی کا نُزول نہیں ہوا۔(8)…نبیِّ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کاسَرِ اَنوَر میرے سینے اور حلْق کے درمیان تھا اور اِسی حالت میں آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکا وِصال ہوا۔

(9)حُضورِ انور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَنے میری باری کے دِن  وصال فرمایا۔(10)نبیِّ پاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی قَبْرِ اَنوَر میرے گھر میں بنائی گئی۔(سیرتِ مصطفےٰ،۶۵۹-۶۶۰)

دی گواہی آپ کی عِفَّت کی سُورۂ نُور نے    مَدْح کرتا ہے تیری عِصْمَت کی قُرآنِ مُبِیْن

اُن کے بستر میں وحی آئے رَسُوْلُ اللہ پر   اور سلامِ خادِمانہ بھی کریں رُوْحُ الْاَمِیں