تلاوتِ قرآن ۽ مسلمان

Al Quran Books Madani Channel

Magazine Courses Media

رِڪاب ۾ رکي گھوڙي جي زين(سنج) تي ويهڻ تائين ايتري دير ۾ هڪ قرآنِ مجيد ختم ڪندا هئا۔(شواهد النبوۃ، رڪن سادس دربيان شواھد ودلايلي...الخ، ص۲۱۲)

واهه ڇا ڳالهه ڪجي عاشِقِ قرآن جي

حضرتِ سَيدُنا ثابِت بُنانيرَحْمَةُ اللهِ تَعَالٰی عَلَيْه روزانو هڪ ڀيرو قرآن پاڪ ختم فرمائيندا هئا۔ پاڻ رَحْمَةُ اللهِ تَعَالٰی عَلَيْه سدائين ڏينهن جو روزو رکندا ۽ سڄي رات قِيام (يعني عبادت) ڪندا هئا، جنهن مسجد وٽان لنگهندا هئا ان ۾ ٻه رڪعتون ”تَحِيَّةُ المسجِد“ ضرور پڙهندا هئا۔ تحديثِ نعمت طور فرمائن ٿا؛ مون جامع مسجد جي هر ٿنڀي وٽ قرآن شريف جو ختمو ڪڍيو ۽ اللہ پاڪ جي بارگاهه ۾ گريه و زاري ڪئي آهي۔ نماز ۽ تِلاوت سان کين خصوصي محبت هئي، سندن اهڙو ته ڪرم ٿيو جو رشڪ اچي ٿو، منقول آهي؛ جڏهن به ماڻهو سندن مزارِ پرُ انوار جي ويجهو کان گذرندا هئا ته قبر مبارڪ مان تلاوت جو آواز ٻڌڻ ۾ ايندو هو۔ ۔(حليۃ الاولياء،۲ /۳۶۴- ۳۶۶ ملتقطاً و ملخصاً)

جَبیں میلی نہیں ہوتی دَھن میلا نہیں ہوتا

غلامانِ محمد کاکفن میلا نہیں ہوتا

قرآن جي تلاوت ڪرڻ ۾ مقابلو

حضرت سَيدُنا شيخ بَهاءُالدِّين زڪريا ملتانيرَحْمَةُ اللهِ تَعَالٰی عَلَيْه هڪ (ڀيري) رات جي وقت پنهنجي دوستن کي ارشاد فرمايائون: توهان مان ڪو اهڙو شخص

آهي جيڪو اڄ جي رات ٻه (2) رڪعت نماز پڙھي ۽ هڪ رڪعت ۾ مڪمل قرآن شريف پڙھي۔ اتي موجود حاضرين مان ڪنهن کي همت نه ٿي۔ شيخ بهاءُ الدِّين زڪريا رَحِمَةُ اللهُ تعالٰی عَليهِ پاڻ بيٺا ۽ ٻه (2) رڪعت نماز شروع ڪئي۔ پهرين رڪعت ۾ سڄو قرآنِ ڪريم ۽ چار (4) سيپارا وڌيڪ تِلاوت ڪئي ۽ ٻي رڪعت ۾ سوره اخلاص پڙھي ۽ نماز مڪمل ڪئي۔

Important

Mobile Apps

Contact Us