بابُ المدینہ(کراچی) کےمُقیم اسلامی بھائی دعوتِ اسلامی کے مَدَنی ماحول سے وابستہ ہونے سے پہلے فلمیں  ڈِرامے دیکھنے،گانے باجےسُننے اوربدنگاہی کرنے کے عادِی تھے ،نماز وں  کی پابندی کا بھی ذِہْن نہ تھا۔کسی اسلامی بھائی نے اِنْفِرادی کوشِش کرتے ہوئے اُنہیں مَدْرَسۃُ المدینہ(بالِغان)میں شِرکت کی دعوت دی،اُنہوں نے مَدْرَسۃُالمدینہ(بالِغان)میں پڑھناشُروع کردیا۔اَلْحَمْدُلِلّٰہعَزَّ وَجَلَّ مدرَسۃُ المدینہ (بالِغان)کی بَرَکت سےہفتہ وارسُنّتوں  بھرےاِجتماع میں شِرکت کامعمول بَن گیااوروہ اَمیرِاَہلسنّت دَامَتْ بَـرَکاتُہُمُ  الْعَالِیَہ سے مُرِید ہو کر نمازی اور مسجد میں دَرْس دینے والے بن گئے۔ اَلْحَمْدُ لِلّٰہعَزَّ وَجَلَّفلمیں ڈرامے ،گانےباجے،بدنگاہی وغیرہ گناہوں کو چھوڑ دیا اور اپنے گھر والوں  پر بھی  اِنْفِرادی کوشِش کرتے  ہوئے  اُنہیں بھی نمازی بنانے کی کوششوں میں مصروف ہیں۔

اگر سُنّتیں سیکھنے کا ہے جذبہ      تم آجاؤ دیگا سِکھا مَدَنی ماحول

بُری صُحبتوں سے کَنارہ کَشی کر      کے اچھوں کے پاس آکے پا مَدَنی ماحول

سَنور جائے گی آخِرت اِنْ شَآءَ اللہ       تم اپنائے رکھو سَدا مَدَنی ماحول

گنہگارو آؤ، سِیَہ کارو آؤ            گُناہوں کو دیگا چُھڑا مَدَنی ماحول

(وسائلِ بخشش مرمم،ص۶۴۶تا۶۴۸)

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!قرآن ِ عظیم وہ مُبارک کتاب ہے کہ جس میںاللہ پاک نے بہت سے اَحکامات نازل فرمائے،ان میں بعض احکام وہ ہیں جن پر مسلمانوں کو  عمل کرنے کا حکم دیا گیا  ہے مثلاً نماز پڑھنے،زکوٰۃ ادا کرنے،رَمضانُ الْمبارک کے روزے رکھنے،اِسْتِطاعت ہونے کی صورت میں حج اَدا کرنے،والدین کےحُقُوق(Rights)اداکرنےاوران کےساتھ حُسنِ اخلاق سے پیش آنے،رشتہ دارو ں