بارگاہ میں آپ کی اِلتِجا فوراً مَسْمُوع ہوئی (یعنی سُنی گئی )اوردیکھتے ہی دیکھتے آپ کے اوراُس مُردے کے دَرْمیان جتنے پردَے حائل تھے تمام اُٹھادئیے گئے۔اب ایک قَبر کا بھیانک مَنْظرآپ کے سامنے تھا۔کیا دیکھتے ہیں کہ مُردہ آگ کی لَپیٹ میں ہے اور رو رو کرآپ کَرَّمَ اللہُ تَعَالٰی وَجْہَہُ الْکَرِیْم سے اِس طرح فریاد کر رہا ہے:یَاعَلِیُّ! اَنَا غَرِیْقٌ فِی النَّارِ وَحَرِیْقٌ فِی النَّارِیعنی یاعلی!کَرَّمَ اللہُ تَعَالٰی وَجْہَہُ الْکَرِیْم!میں آگ میں ڈوبا ہوا ہوں اور آگ میں جل رہا ہوں۔ قَبْرکے دَہشتناک مَنْظر اورمُردے کی دَرْد نا ک پُکارنے حیدرِ کرّار کَرَّمَ اللہُ تَعَالٰی وَجْہَہُ الْکَرِیْم کوبے قَرارکردیا۔آپکَرَّمَ اللہُ تَعَالٰی وَجْہَہُ الْکَرِیْمنےاپنے رَحمت والے پروَردگار کے دَربار میں ہاتھ اُٹھادئیے اور نِہایت ہی عاجِزی کے ساتھ اُس مَیِّت کی بخشِش کیلئے دَرْخواست پیش کی۔غیب سےآواز آئی،''اے علی(کَرَّمَ اللہُ تَعَالٰی وَجْہَہُ الْکَرِیْم)!آپ (کَرَّمَ اللہُ تَعَالٰی وَجْہَہُ الْکَرِیْم) اِس کی سِفارش نہ ہی فرمائیں کیوں کہ روزے رکھنے کے باوُجُودیہ شخص رَمَضانُ الْمُبارَک کی بے حُرمتی کرتا،رَمَضانُ الْمُبارَک میں بھی گُناہوں سے بازنہ آتا تھا۔دن کو روزے تَو رکھ لیتا مگر راتوں کو گُناہوں میں مُبْتَلارہتا تھا۔مَولائے  کائنات،علیُّ المُرتَضٰی،شیرِ خدا کَرَّمَ اللہُ تَعَالٰی وَجْہَہُ الْکَرِیْم یہ سُن کر اور بھی رَنْجِیْدہ ہوگئے اور سَجدے میں گِر کر رو رو کر عرض کرنے لگے،یااللہ کریم!میری لاج تیرے ہاتھ میں ہے،اِس بندے نے بڑی اُمّید کے ساتھ مجھے پُکارا ہے ، میرے مالِک! تُو مجھے اِس کے آگے رُسوا نہ فرما، اِ س کی بے بَسی پر رَحْم فرمادے اور اِس بیچارے کو بَخش دے ۔حضرت علی کَرَّمَ اللہُ تَعَالٰی وَجْہَہُ الْکَرِیْمرو رو کرمُناجات کررہے تھے۔ اللہ کریم کی رَحْمت کا دَریا جوش میں آ گیا اور نِدا آئی ، اے علی ( کَرَّمَ اللہُ تَعَالٰی وَجْہَہُ الْکَرِیْم)!ہم نے تمہاری شِکَستہ دِلی کے سَبَب اِسے بخش دیا۔چُنانچِہ اُس مُردے پر سے عذاب اُٹھا لیا گیا۔(انیسُ الْواعِظین ص۲۵،فیضانِ سنت، ص:۹۲۲)

صَلُّوْا عَلَی الْحَبِیْب!                               صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو !اس حِکایت میں ہمارے لئے عِبْرت کے بے شُمار مَدَنی پُھول ہیں۔ زِنْدہ انسان خُوب پُھدَکتا ہے مگر جب موت کا شکار ہوکر قَبْر میں اُتار دیا جاتا ہے ، اُس وقت آنکھیں بند