Book Name:Khaton e Janat ki Shan o Azmat

(کافاصِلہ ) دُور فرمادے گا۔ ''     (کَنْزُالْعُمّال ج۸ص۲۵۵حدیث۲۴۱۴۸)

               (2) جس نے رِضائے الٰہی کیلئے ایک دن کا نَفْل روزہ رکھا  تو اللہ  پاک   اُس کے اور  دوزخ کے درمیان ایک تیز  رفتار  سُوارکی پچاس سالہ مسافت کا فاصِلہ فرمادے گا۔'' (کَنزالعُمّال ج۸ص۲۵۵حدیث۲۴۱۴۹)

               سیدہ خاتونِ جنّت کے ذوقِ تلاوت اور آپ کے شوقِ عبادت میں بالخصوص ہمارے گھر کی اسلامی بہنوں  کے لیے بھی ایک پیغام ہے کہ گھرکے کام کاج کرنے کے ساتھ ساتھ اللہ  پاک کی عبادت کاذوق و شوق ہونا چاہئے،علمِ دِین سیکھنے کا جذبہ ہونا چاہئے،نیکی کی دعوت کو عام کرنے کا جذبہ ہونا چاہئے۔عاشقانِ رسول کی مدنی تحریک دعوتِ اسلامی کے مدنی ماحول میں اسلامی بہنوں کے لیے کئی ایسے مواقع ہیں جہاں ان کوعلمِ دِین حاصل کرنامُیسّرآتاہے،ہم اپنے گھر کی اسلامی بہنوں کواسلامی بہنوں کے ہفتہ واراجتماع میں شرکت کروائیں،تعلیمِ قرآن حاصل کرنے لیے ان کو  مدرسۃا لمدینہ  بالغات میں پڑھنے کا ذہن دیں، زہے نصیب!جامعۃ المدینہ للبنات میں داخلے کی سعادت مل جائے توپھرکیسی مدنی بہاریں ہوں گی،ہمارے گھر کی اسلامی بہنیں  جب  علمِ دین کی روشنی سے مالا مال ہوں گی تواپنی اولاد کی مدنی تربیت کر سکیں گی،خودبھی نمازی بنیں گی ،اپنی اولاد کو بھی نمازی بنائیں گی،خود بھی قرآنِ کریم پڑھیں گی ،اپنی اولادکوبھی قرآنِ کریم پڑھنا سکھائیں گی۔سیدہ خاتونِ جنّت کے صدقے اللہ  پاک ہماری اسلامی بہنوں کوبھی شوقِ عبادت و ذوقِ تلاوت نصیب فرمائے۔

عبادت میں گزرے مِری زِندگانی                        کرم ہو کرم یا خدا یا اِلٰہی

(وسائلِ بخشش، ص۱۰۵)

صَلُّوْا عَلَی الْحَبِیْب!                          صَلَّی اللّٰہُ تَعَالٰی عَلٰی مُحَمَّد

          میٹھےمیٹھےاسلامی بھائیو! حضرتِ سیِّدَہ فاطمۃُ الزہرا  رَضِیَ اللہُ تَعَالٰی عَنْہَا کی شان و عظمت کا ایک پہلو یہ بھی ہے کہ آپ رَضِیَ اللّٰہُ تَعَالٰی عَنْہَا کوحضورنبیِ رحمت صَلَّی اللّٰہُ تَعَالٰی عَلَیْہِ واٰلِہٖ وَسَلَّمَسے اور حضورصَلَّی