Aqa Kareem ﷺ Ka Safre Mairaaj

Al Quran Books Madani Channel

Magazine Courses Media

حضرت سیِّدُنا ابو بُرَیْدَہ رَضِیَ اللّٰہُ تَعَالٰی عَنْہُ سے روایت ہے کہ رسولِ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے اِرْشاد فرمایا:(شبِ معراج) جب میں جنّت میں داخل ہوا تو سونے سے آراستہ ایک محل کے پاس سے میرا گزر ہوا۔ میں نے پوچھا:”لِمَنْ هٰذَا الْقَصْرُ یہ محل کس کا ہے؟‘‘فِرِشتوں نے عَرْض کی:”لِرَجُلٍ مِّنَ الْعَرَبِ یہ ایک عَرَبی نوجوان کا ہے۔“میں نے کہا:”اَنَا عَرَبِیٌّ میں عَرَبی ہوں۔“فِرِشتوں نے عرض کی:”لِرَجُلٍ مِنْ قُرَيْشٍ یہ ایک قَرَشِی نوجوان کا ہے۔“میں نے کہا:”اَنَا قُرَشِيٌّ میں قَرَشِی ہوں“،فِرِشتوں نے عَرْض کی:’’لِرَجُلٍ مِّنْ اُمَّۃِ مُحَمَّدٍ یہ اُمّتِ محمدیہ کے ایک شخص کا ہے۔“میں نے کہا:’’اَنَا مُحَمَّدٌ محمد تو میں ہوں۔فِرِشتوں نے عرض کی:’’لِعُمَرَ بْنِِ الْخَطَّابِ یہ محل عُمَر بن خطّاب رَضِیَ اللّٰہُ تَعَالٰی عَنْہُ کا ہے۔“نبیِّ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے اِرْشاد فرمایا:”فَاَرَدْتُ اَنْ اَدْخُلَهُ فَاَنْظُرَ اِلَيْهِ، فَذَكَرْتُ غَيْرَتَكَ تو میں نے چاہا کہ میں اُُس محل میں داخل ہوجاؤں تاکہ اُسے دیکھ سکوں مگر مجھے تمہاری غیرت یاد آگئی۔“یہ سُن کر امیرُ المؤمنین حضرت سیِّدُنا عُمَر فاروقِ اعظم رَضِیَ اللّٰہُ تَعَالٰی عَنْہُ عرض کرنے لگے:”بِاَبِیْ وَاُمِّیْ يَا رَسُولَ اللہ،اَعَلَیْکَ اَغَارُ؟یارسولَ اللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ!میرے ماں باپ آپ پر قربان!کیا میں آپ پر بھی غیرت کروں گا۔“(ترمذی، کتاب المناقب، باب فی مناقب ابی حفص۔۔۔الخ،۵/۳۸۵،حدیث:۳۷۰۹ملتقطاً)(بخاری،کتاب فضائل اصحاب النبی،باب مناقب عمر بن الخطاب۔۔۔الخ، ۲/۵۲۵، حدیث:۳۶۷۹)

رہے تیری عطا سے یاخدا! تیری عنایت سے ہمارے ہاتھ میں دامن سدا فاروقِ اعظم کا

(وسائل بخشش مرمم،ص۵۲۶)

Important

Mobile Apps

Contact Us