ستارے،آسمان،بُرُوج،عرش و کُرسی اور جنّت مجھ میں ہے!زمین نے کہا:مجھ میں کعبہ ہے!جس کی زِیارت اور طواف انبیاء و مُرسلین،اولیاء اور عام مومنین کرتے ہیں۔آسمان نے جواب دِیا:مجھ پر بَیتُ المَعمُورہے،اس کا طواف ملائکہ یعنی فرشتے کرتے ہیں اور مجھ میں جنّت ہے جو تمام انبیاء و رسل عَلَیْہمُ السَّلَام،تمام اولیاء و صالحین رَحْمَۃُ اللّٰہ ِتَعَالٰی عَلَیْہم اَجْمَعِیْن کی مقدس رُوحوں کا ٹھکانا ہے۔زمین نے آسمان کو کہا:رسولِ پاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے مجھ میں اِقامت فرمائی اور شریعت کو جاری فرمایا۔جب آسمان نے سُنا یہ تو جواب دینے سے عاجز آ گیا اور چُپ ہو گیا۔پھر آسمان نے اللہ پاک کی بارگاہ میں عرض کی:اے ربِّ کریم! تُو ہی پریشان کی مدد فرماتا ہے، جب وہ تجھے پُکارے،پھر آسمان عرض کرنے لگا:تُو نبی پاک صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو میری طرف بُلا تاکہ میں ان سے شرف حاصل کروں،جس طرح تُو نے زمین کو ان کے جمال سے شرف بخشا ہے۔اللہکریم نے اس کی دُعا قبول کی اور معراج کی رات آسمان کو یہ شرف عطا فرمایا۔ (درۃ الناصحین،ص ۱۲۳)

روشن ہوئے سب اَرض و سَما  نُور سے اُس کے

جب مَاہِ عَرَب عَرْش پہ چمکا شبِ مِعْرَاج

(قبالۂ بخشش،ص۶۸)

اللہ کی عنایت                                 مرحبا                 معراج کی عظمت                مرحبا                اَقْصیٰ کی شوکت                 مرحبا

آسمان کی قسمت                               مرحبا                 بُراق کی سُرعَت                   مرحبا                نبیوں کی اِمامت                 مرحبا

آقا کی رِفْعت                        مرحبا                 آسماں کی سیاحت          مرحبا                مکینِ لامکاں کی عظمت              مرحبا

صَلُّوْا عَلَی الْحَبِیْب!                                           صَلَّی اللّٰہُ تَعَالٰی عَلٰی مُحَمَّد

12مدنی کاموں میں سے ایک مدنی کام’’ہفتہ وار سُنّتوں بھرا  اجتماع ‘‘