صَلُّوا عَلَی الْحَبیب!                                    صَلَّی اللّٰہُ تَعَالٰی عَلٰی مُحَمَّد

اعتکاف کی ترغیب :

میٹھے میٹھے اسلامی بھائیو!گُناہوں سے  بچنے کا ایک  بہترین ذریعہ عاشقانِ رسول کی مدنی تحریک دعوتِ اسلا می کے مَدَنی ماحول سے وابستہ ہونا ،ہرماہ 3 دن کے مدنی قافلے میں سفر،مدنی انعامات پر عمل اور دعوتِ اسلامی کے تحت پورے ماہِ رمضان یا آخری عشرے کے اعتکاف میں شرکت کرنا بھی ہے ۔ ماہِ رَمَضَانُ الْمُبارَک کی آمدآمدہے اور اس ماہ ِمُبارَک کی برکتوں کے تو کیا کہنے ! اس ماہِ رحمت میں عبادت وتلاوت اورذِکْر ودُرُود کی کثرت کرکے اپنے نامَۂ اعمال  میں  کثیر نیکیاں لکھوانے کے مَواقع بہت بڑھ جاتے ہیں۔ہمیں بھی چاہیے کہ گُناہوں سے خُود کو بچانے اوردن رات نیکیوں میں بسر کرنے کیلئے دعوتِ اسلامی  کےتحت پورے ماہِ رمضان کے اِعْتکاف میں شرکت کی نہ صرف خود نِیَّت کریں بلکہ دیگر اسلامی بھائیوں پربھی  اِنْفرادی کوشش  کرکے انہیں بھی تیار کریں ۔ فرمانِ مُصطَفٰےصَلَّی اللہُ تَعَالٰی عَلَیْہِ وَاٰلِہٖ وَسَلَّم ہے :مَنِِ اعْتَکَفَ اِیْمانًا وَّاِحْتِسَابًا غُفِرَلَہ مَاتَقَدَّمَ مِنْ ذَنْبِہٖیعنی جس شخص نے ایمان کے ساتھ ثواب حاصل کرنے کی نیَّت سے اعتِکاف کیا ،اس کے پچھلے تمام گُناہ بخش دئیے جائیں گے۔'' (جامع صغیر ص۵۱۶الحدیث۸۴۸۰)

یا خدا ماہِ رمضاں کے صدقے          سچّی توبہ کی توفیق دیدے

نیک بن جاؤں جی چاہتا ہے                                یا خدا تجھ سے میری دُعا ہے

(وسائلِ بخشش مُرمّم،ص136)

صَلُّو ْا عَلَی الْحَبِیْب!                                          صَلَّی اللہُ تَعَالٰی عَلٰی مُحَمَّد

میٹھے میٹھے اسلامی بھائیو!ہو سکے تو ہر سال ورنہ زِندگی میں کم اَزْ کم ایک بار توپورے ماہِ رَمَضانُ المبارَک کا اِعتکِاف کرہی لینا چاہیے ۔ہمارے پیارے آقا، میٹھے میٹھے مُصْطَفٰےصَلَّی اللہُ تَعَالٰی عَلَیْہِ وَاٰلِہٖ