دِیا پھر میں مسجدِ(اَقْصٰی)میں داخِل ہوا اور اُس میں دو رَکْعَت نماز ادا کی۔ ^([1])

مشہور ولیِ کامِل حضرت عَلّامہ مَولانا مَخْدوم محمد ہاشِم ٹھٹھوی رَحْمَۃُ اللّٰہ ِتَعَالٰی عَلَیْہ فرماتے ہیں:اِس نماز میں آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَتمام اَنْبیائے کرام عَلَیْہِمُ الصَّلٰوۃُ وَالسَّلَام کے اِمام تھے۔^([2]) (کیونکہ) پیارے آقا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی شانِ عالی کے اِظْہار کیلئے بَیْتُ الْمَقْدِس میں تمام اَنْبیائے کِرام عَلَیْہِمُ الصَّلٰوۃُ وَالسَّلَام کو جمع کِیا گیا تھا۔^([3])جب آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  یہاں تَشْرِیْف لائے تو اُن سب حضرات نے آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو دیکھ کر خُوش آمدید کہا اور نماز کے وَقْت سب نے آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو اِمامَت کے لئے آگے کِیااور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے تمام انبیائے کِرام عَلَیْہِمُ الصَّلٰوۃُ وَالسَّلَام کی اِمامَت فرمائی۔^([4])

  نمازِ اَقصٰی میں نبیِّ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی اِمامت فرمانے کے اِس ایمان افروز لمحے کی منظرکشی کرتے ہوئےامیرِ اہلسنّت،بانیِ دعوتِ اسلامیدَامَتْ بَـرَکاتُہُمُ الْعَالِیَہ اپنے نعتیہ دِیوان”وسائلِ بخشش“ میں تحریر فرماتے ہیں:

اَقصیٰ میں سُواری جب پہنچی جِبْریل نے بڑھ کے کہی تکبیر                        نبیوں کی اِمامت اب بڑھ کر سُلطان ِ جہاں فرماتے ہیں

وہ کیسا حَسیں منظر ہوگا جب دولہا بنا سَروَر ہوگا                                             عُشّاق تصوُّر کر کر کے بس روتے ہی رہ جاتے ہیں

(وسائلِ بخشش مرمم،ص ۲۸۷-۲۸۸)

اللہ کی عنایت                                 مرحبا                 معراج کی عظمت                مرحبا                اَقْصیٰ کی شوکت                 مرحبا

بُراق کی قسمت                                 مرحبا                 بُراق کی سُرعَت                   مرحبا                نبیوں کی اِمامت                 مرحبا

آقا کی رِفْعت                        مرحبا                 آسماں کی سِیاحت          مرحبا                مکینِ لامکاں کی عظمت          مرحبا