ایک واضِح جھلک دعوتِ اسلامی کے تحت قائم”مجلس اِزْدِیادِ حُبّ“بھی ہے۔وہ پرانی اسلامی بہنیں جو پہلے آتی تھیں مگر اب نہیں آتیں اُنہیں مَدَنی ماحول میں فَعال کرنا،اُن سے پیشگی وَقْت لے کر اِنْفِرادی طور پر گھر جاکر ملاقات کرنا،اُنہیں سُنّتوں بھرے اِجتماعات میں آنے کا ذہن دینا،اُن کی خوشی،غمی،بیماری و فوتگی وغیرہ کے معامَلات میں شریک ہونا اور مشکلات میں مکتوبات و تعویذاتِ عطّاریہ کی ترکیب کرنا وغیرہ اِس مجلس کے مقاصِد میں شامل ہے۔اللہ کریم”مجلس اِزدِیادِ حُبّ“ کو مزید ترقیاں عطا فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

اللہ کرم ایسا کرے تجھ پہ جہاں میں                     اے دعوتِ اِسلامی تِری دُھوم مچی ہو

(وسائلِ بخشش مُرمَّمْ،ص۳۱۵)

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

لڑائی جھگڑوں سے چھٹکارا کیسے حاصل ہو؟

میٹھی میٹھی اسلامی بہنو!ابھی ہم نے لڑائی جھگڑوں کے نُقصانات کے بارے میں سُنا،اللہ کرے اِنہیں سُن کر اِن سے نفرت پیدا ہوجائےاور تَوبہ کا ذہن بنے،مگر سُوال یہ ہے کہ آخر وہ کون سے ایسے اُمور ہیں جنہیں اِختیار کرنے کی بَرَکت سے ہم  لڑائی جھگڑوں سے نجات پاسکتی ہیں۔تو آئیے! لڑائی جھگڑوں سےپیچھا چُھڑانےکےلئے7طریقے پیشِ خدمت ہیں،سُنئے اور اِن پر عمل کی کوشش  کیجئے:

(1)حکیمُ الامّت حضرت مفتی احمد یار خان رَحْمَۃُ اللّٰہ ِتَعَالٰی عَلَیْہ فرماتے ہیں:گھر میں داخِل ہوتے وَقْت بِسْمِ  اللہِ الرَّحْمٰنِ الرَّحِیْم پڑھ کر پہلے سیدھا قدم(Foot) دروازے میں داخِل کر نا چاہیے پھر گھر والوں کو سلام کرتے ہوئے گھر کے اندر آئیں۔اگر گھر میں کوئی نہ ہو تو اَلسَّلامُ عَلَیْکَ اَیُّہاَ النَّبِیُّ وَ رحْمَۃُ اللہِ وَ