بات بات پر اپنی اَولاد کو اِس طرح کہہ کر کہ تیرا  سَتِّیا ناس(سَتْ۔تِیا۔ناس)جائے،تو پھٹ پڑے،تجھے کوڑھ نکلے وغیرہ بددعائیں دیتی ہیں،اُنہیں اپنی زَبان قابُو میں رکھنی چاہئے، کہیں ایسا نہ ہو کہ قَبولِیَّت کی گھڑی ہو، دُعا قَبول ہو جائے اور اَولاد کو سچ مُچ’’ کُچھ‘‘ہو جائے اور یُو ں ماں خُود بھی ٹینشن(Tension)  میں آ جائے! لہٰذا اَولاد کو صِرف دُعائے خَیْرسے نوازتے رہنا زیادہ مُناسِب ہے۔اللہ کریم ہمیں اپنے ماں باپ کو خوش رکھنے اور اُن کی دعائیں لینے کی تَوْفِیْق عطا فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

جامعۃ المدینہ( للبنات)

میٹھی میٹھی اسلامی بہنو!اَلْحَمْدُ لِلّٰہ عَزَّ وَجَلَّ عاشِقانِ رسول کی مَدَنی تحریک دعوتِ اسلامی نے جہاں اسلامی بھائیوں کو ماں باپ کی فرمانبرداری کا ذِہْن دینے کے لئے مختلف شعبہ جات قائم کئے ہیں وہیں اسلامی بہنوں کو بھی اپنے والِدَین کی آنکھوں کا تارا بنانے کے لئے دعوتِ اسلامی نے کئی شعبہ جات قائم فرمائے ہیں۔اِنہی میں سے ایک”مجلس جامعۃُ المدینہ(للبنات)“بھی ہے۔اَلْحَمْدُ لِلّٰہ عَزَّ  وَجَلَّ مجلس جامعۃُ المدینہ(للبنات)کے تحت مُلک و بیرونِ ملک میں تقریباً265(دوسوپینسٹھ)جامعاتُ المدینہ(للبنات)قائم ہیں۔جن میں16217(سولہ ہزاردوسوسترہ)طالبات دَرْسِ نِظامی(عالِمہ کورْس) کی مفت تعلیم حاصل کررہی ہیں۔کم و بیش3600(تین ہزارچھ سو)اسلامی بہنیں دَرْسِ نِظامی(عالِمہ کورْس)جبکہ تقریباً4014(چارہزارچودہ)اسلامی بہنیں”فَیْضانِ شریعت کورْس“کرنے کی سعادت حاصِل کرچکی ہیں لہٰذا ہِمّت کیجئے  آپ بھی اور اپنی بالغہ بہنوں،بیٹیوں کو بھی جامعۃُ المدینہ(للبنات)میں داخل کروائیے اور اپنے لئے ثوابِ جارِیہ کا سامان کیجئے۔