اجتماع کی برکت سے   نیک بن گیا

مَرْکزُ الاَوْلِیا (لاہور)کےایک اِسلامی بھائی گُناہوں  کی وادِیوں میں گُمتھے،ان کےاسکول کے زمانے میں ایک اِسلامی بھائی اَکْثَران کےبڑےبھائی سےمِلنےآیاکرتےتھے،ایک دن اُنہوں نےدعوتِ اِسلامی  کے ہَفْتَہ وار سُنَّتوں بھر ےاِجْتِماعکی دَعوت پیش کی۔یہ اُن کی دَعْوَت پرسُنَّتوں بھرےاِجتِماع میں جاپہنچے، انہیں بَہُت اچّھالگا،لہٰذاانہوں نےپابندی سےجاناشُرُوع کردیا ۔اَلْحَمْدُ لِلّٰہعَزَّ  وَجَلَّاس کی برکت سے انہوں نے نمازوں کی پابندی شُروع کردی۔عِمامَہ شریف بھی سَجا لیا،جس پر گھر کےبعض اَفراد  نے سَختی  کے ساتھ مُخالفَت کی مگر مَدَنی ماحول کی کشِش اور عاشِقانِ رَسُول کاحُسْنِ سُلُوک انہیں دعوتِ اِسلامی سے مزید قریب ترکرتا چلا گیا،مکتبۃُ المدینہ سےجاری ہونے والےسُنَّتوں بھرے بَیانات کی کیسٹیں سُننے سے ڈھارس بندھی اور حَوْصَلَہ مِلتا چلاگیا۔اَلْحَمْدُلِلّٰہعَزَّوَجَلَّ آہِسْتَہ آہِسْتَہ ان کےگھرکے اندربھی مَدَنی ماحول بن گیا۔

اے بیمارِ عِصیاں تُو آجا یہاں پر    گُناہوں کی دیگا دَوا مَدَنی ماحول

(وسائل بخشش مرمم،ص۶۴۸)

صَلُّوْا عَلَی الْحَبِیْب!                                        صَلَّی اللّٰہُ تَعَالٰی عَلٰی مُحَمَّد

میت پر نوحہ کرنا

میٹھےمیٹھےاسلامی بھائیو!اگر کسی  کا انتقال ہوجائے توبسا اوقات اس موقع پر  کئی خلافِ شریعت کاموں کا  اِرْتِکاب کیا جاتاہے،جن میں  سے  ایک نوحہ کرنا یعنی  میِّت کے اَوصاف(خوبیاں)مُبالَغہ کے ساتھ (خوب بڑھا چڑھا کر) بیان کر کے آواز سے رونا جس کو بَین(بھی) کہتے ہیں، یہ  بِالاِ جماع حرام ہے