اَچھےاَخْلاق کی عادت بنانے کے طریقے

(1)اچھے اَخْلاق کا پیکر بننے کے لئے بارگاہِ الٰہی میں گِڑگڑائیے اور اپنے ہاتھوں کو بلند کرکے اَشکبار آنکھوں سے بُرے اَخْلاق سے نجات کی دُعا مانگئے،(2)اچھے اَخْلاق کے فضائل اور بُرے اَخْلاق کے نُقصانات پر مُشْتَمِل اَحادیث و رِوایات،واقِعات اور اَقوالِ بُزرگانِ دِین کو بار بار پڑھئے اور سنئے،(3) دِن کا اکثر حِصَّہ خاموشی اِختیار کیجئے اور حتّی الاِمکان لکھ کر یا اِشارے سے گفتگو کی عادت بنائیے،(4) پابندی کے ساتھ تلاوتِ قرآن مع ترجَمۂ قرآن کنزُالایمان اور اِس کے ساتھ تفسیر خزائنُ العرفان یا نورُالعرفان یا صراطُ الجنان کا مُطالعہ کرنے کا معمول بنالیجئے،(5)بُرے لوگوں کی صحبت سے بچتے رہئے، (6) دعوتِ اسلامی کے مَدَنی  ماحول سے وابستہ رہئے اور 12مَدَنی کاموں کو اپنا اوڑھنا بِچھونا بنالیجئے،(7)دعوتِ اسلامی کے ہفتہ وارسُنّتوں بھرے اِجتماعات اور امیرِاہلسنت دَامَتْ بَـرَکاتُہُمُ الْعَالِیَہ کے عِلْم و حکمت سے بھرپور مَدَنی مذاکروں میں پابندی کے  ساتھ اوّل تا آخر شرکت کواپنا معمول بنالیجئے،(8)دعوتِ اسلامی سے وابستہ عاشقانِ رسول کےہمراہ یکمشت 12 ماہ،ہر 12 ماہ میں 1 ماہ اور عُمر بھر ہر ماہ3 دن کے مَدَنی قافِلوں میں سفر اور روزانہ فِکْرِ مدینہ کرتے ہوئے مَدَنی اِنعامات کا رِسالہ پُر کیجئے،(9)دعوتِ اسلامی کے تحت ہونے والے فَیْضانِ فَرض عُلوم کورس، کِردار سازکورس یعنی”اِصلاح اعمال کورس،12مدنی کام کورس،فیضانِ نمازکورس،مَدَنی تربیتی کورس“کرلیجئے،(10)مَدَنی چینل پر نشر ہونے والے علمِ دِین کی خوشبوؤں سے مالامال مُختلِف سلسلے دیکھتے رہئے(11)کسی پیرِ کامِل کا دامَن مضبوطی سے تھام لیجئے،اَلْحَمْدُ لِلّٰہ عَزَّ  وَجَلَّ شَیْخِ طریقت،امیرِ اہلسنّت حضرت علامہ مولانا ابو بلال محمد الیاس عطار قادِرِی رَضَوِی ضِیائی دَامَتْ بَـرَکاتُہُمُ الْعَالِیَہ میں پیرِ کامِل کی تمام شرائط پائی جاتی ہیں لہٰذاہمیں بھی امیر اہلسنت دَامَتْ بَـرَکاتُہُمُ الْعَالِیَہ   کے ذَرِیْعے مُرید ہوکر غوثِ پاک رَحْمَۃُ