ڪري ڇڏيائين ۽ چيائين: مون انهن جي سبب عظيم بَرَڪتون ماڻيون آهن، امير چيائين: مون کان هزار(1000)دِينار(يعني سون جا سڪا) وٺي وٺو ۽ انهن کي منهنجي حوالي ڪري ڇڏيو پر پوءِ به اِنڪار ڪيائين۔ تڏهن ان امير جي دل ۾ ان کي (يعني سَيد سڳوريءَ کي) تنگ ڪرڻ جو خيال آيو۔ هو غير مسلم ان جي بُري نِيت ڏسي چيائين: جنهن کي توهان وٺڻ آيا آهيو، مان ان جو توهان کان وڌيڪ حقدار آهيان ۽ تو خواب ۾ جيڪو محلّ ڏٺو آهي اهو منهنجي لاءِ بڻايو ويو آهي، ڇا توکي پنهنجي مسلمان هئڻ تي فَخر آهي؟خدا عَزَّوَجَلَّ جو قسم! مان ۽ منهنجي گھروارا ان وَقت تائين نه سُتا سين جيستائين جو اسان سڀئي ان سَيد سڳوريءَ جي هٿ تي اِسلام نه قبول ڪيو، مان به تون وانگر خواب ۾ رَسُولُ الله صَلَّى اللهُ تَعَالٰى عَلَيْهِ وَاٰلِهٖ وَسَلَّمَ جي زِيارَت ڪئي آهي ۽ رسول اڪرم صَلَّى اللهُ تَعَالٰى عَلَيْهِ وَاٰلِهٖ وَسَلَّمَ مون کي فرمايائون: ڇا سَيدزادي ۽ ان جون نياڻيون تون وٽ آهن؟ مون عَرْض ڪيو: جي ها! يارَسُولَ الله (صَلَّى اللهُ تَعَالٰى عَلَيْهِ وَاٰلِهٖ وَسَلَّمَ)! پاڻ صَلَّى اللهُ تَعَالٰى عَلَيْهِ وَاٰلِهٖ وَسَلَّمَ فرمايائون: هي محلّ تو ۽ تنهنجي گھروارن جي لاءِ آهي۔ مسلمان امير اها ڳالھ ٻڌندي ئي واپَس موٽي ويو ۽ الله تعاليٰ بهتر ڄاڻي ٿو ته هو ڪيتري مايوسي وچان واپَس موٽيو هوندو۔(مکاشفة القلوب،ص۴۷۱-۴۷۲ ملخصاً)

(وسائلِ بخشش مرمم،ص۴۲۴)