حُضور سَراپا نُور،شَافِعِ یَوْمُ النُّشُور صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا فَرمانِ خُوش گَوار ہے:جو کسی مَظلوم کی فریاد رَسی کرے، اللہ تعالیٰ اُس کے لیے تہتّر(73)مَغْفِرَتیں لکھے گا،اُن میں سے ایک سے اُس کے تمام کاموں کی دُرُسْتِی ہوجائے گی اور بہتّر(72)سے قِیامَت کے دِن اُس کے دَرَجے بُلند ہوں گے۔(شعب الایمان، باب في التعاون علی البر والتقوی، حدیث: ۷۶۷۰،۶/۱۲۰)

ایک اور مقام پر اِرْشاد فرمایا:جو کسی مَظلوم کے ساتھ اُس کی مَدَد کرنے چلے تو اللہ تعالیٰ اُسے اُس دِن ثابِت قَدَمی عَطا فرمائے گا جس دن قَدَم پِھسل رہے ہوں  گے۔( حلیۃ الاولیاء، مالک بن انس، ۶/۳۸۳، حدیث: ۹۰۱۲)

ہمیشہ ہاتھ بھلائی کے واسطے  اُٹھیں                                    بچانا ظُلم و سِتم سے مجھے سدا یاربّ

 (وسائل بخشش مرمم،ص76)

صَلُّوْا عَلَی الْحَبِیْب!                              صَلَّی اللّٰہُ تَعَالٰی عَلٰی مُحَمَّد

(3)تیسرا  مَدَنی پُھول یہ مِلا کہ آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ جَوانی میں بھی اِصلاحِ مُعَاشَرَہ کے حقیقی عَلَمْبَرْدَار تھے،جو لَڑائی جھگڑوں اور خون خَرابے والے مُعَامَلَات کو خَتْم کروانے میں ہمیشہ پیش پیش رہا کرتے تھےجبکہ دُوسری جانِب ہم جیسے نِکَمّوں کا عالَم ہے کہ جو لَڑتے جھگڑتے مُسلمانوں میں  بچ بچاؤ اور مُعافِی تَلافِی کروانے کے بجائے اُنہیں مزید غُصَّہ دِلاتے،دُور کھڑے تماشَہ دیکھ کر لُطْف اَنْدوز ہوتے بلکہ لَڑائی جھگڑے کی تصاویر(Pictures)اور وِیڈیوز بناکر سوشَل مِیڈیا پر اَپْ لوڈ کردیتے ہیں۔ذرا سوچئے!کِیا عاشِقانِ رَسُول صِرْف دَعووں اورنَعروں کی حد تک مَحدود ہوتے ہیں؟کِیا عاشِقانِ رَسُول بے حِس ہوتے ہیں؟کِیا عاشِقانِ رَسُول مُسلمانوں کو آپس میں لَڑواتے ہیں؟کِیا عاشِقانِ رَسُول مُسلمانوں کو لَڑتا دیکھ کر لُطْف اَندوز ہوتے ہیں؟کِیا عاشِقانِ رَسُول لَڑتے جھگڑتے مُسلمانوں کو دیکھ کر اُن کی تصاویر اور وِیڈیوز بناتے