گے،مَظلوم کی حِمَایَت کریں گے،کسی ظالِم یا غاصِب (زبردستی حَق چھیننے والے) کو مَکَّہ میں نہیں رہنے دیں گے۔(سیرت مصطفے،ص۸۹)

اِس مُعَاہَدے(Agreement)میں شَرِیک کئی لوگوں کا نام فَضْل تھا،اِسی لئے اِس مُعَاہَدے کو ”حِلْفُ الْفُضُول“کہتے ہیں یعنی اُن چند آدِمیوں کا مُعَاہَدَہ جِن کا نام فَضْل تھا۔(سیرت ہشام،۱/ ۲۹۷ملخصاً) اِس میں حُضورِ اَقْدَس صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ بھی شَرِیک ہوئے،آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکو یہ مُعَاہَدَہ اِس قَدَر عَزیز تھا کہ اِعلانِ نَبُوَّت کے بعد آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ فَرمایا کرتے تھے کہ اِس مُعَاہَدے سے مجھے اِتنی خُوشِی ہوئی کہ اگر اِس کے بَدلے میں کوئی مجھے سُرْخ رَنگ کے اُونٹ بھی دیتا تو مجھے اِتنی خُوشِی نہ ہوتی۔آج اِسلام میں بھی اگر کوئی(مَظْلُوم)مجھے مَدَد کے لئے پُکارے تو میں اُس کی مَدَد کے لئے تَیَّار ہوں۔ (سیرۃ نبویۃ لابن ھشام،حرب الفجار، ص۵۶مفہوماً)

وہ نبیوں میں رحمت لقب پانے والا                            مُرادیں غریبوں کی بَر لانے والا

مصیبت میں غیروں کے کام آنے والا                         وہ اپنے پرائے کا غم کھانے والا

فقیروں کا ماویٰ، ضعیفوں کا ملجا                                 یتیموں کا والی، غلاموں کا مولیٰ

صَلُّوْا عَلَی الْحَبِیْب!                              صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!بَیان  کردَہ واقِعے سے ہمیں چند مَدَنی پُھول حاصِل ہوئے(1)پہلا مَدَنی پُھول یہ مِلا کہ جَوانی میں بھی تاجْدارِ نَبُوَّت،مالِکِ کَوْثَر و جَنَّت صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی عَقْل و دَانائی کا یہ عالَم تھا کہ خاندانِ قُرَیْش کے بڑے بڑے سَردار اپنے اَہَمّ تَرِین مَشْوَروں اور مُعَاہَدوں میں آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکوبھی شریک کیا کرتے تھے۔اپنی ہَر صِفَت میں بَاکمال،مَحبوبِِ ربِِّ ذُوالْجَلال صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی عَقْلِ باکمال کی شان و عَظمت مَرْحَبَا کہ جَلِیْلُ الْقَدْر تابِعی بُزرْگ