مُحَقِّقِیْن(رَحْمَۃُ اللّٰہ ِتَعَالٰی عَلَیْہِمْ اَجْمَعِیْن)نے فرمایا: اگریہ لفظ کسی دُعا میں وارِد ہوجو خُود نبی صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے تعلیم فرمائی جیسےدعائےدُعاہے’’یَا مُحَمَّدُ اِنِّی تَوَجَّھْتُ بِکَ اِلٰی رَبِّی‘‘اے مُحَمَّد(صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ)!میں آپ (صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ)کے تَوَسُّل (وسیلے)سے اپنے ربّ(عَزَّ  وَجَلَّ) کی طرف مُتَوَجِّہ ہوا۔( ابن ماجۃ، کتاب اقامۃ الصلوۃ،باب ما جاء فی صلوۃ الحاجۃ،۲/ ۱۵۶،حدیث: ۱۳۸۵)تاہم اِس کی جگہ  یَا رَسُوْلَ اللہ،یَا نَبِیَّ اللہ(کہنا)چاہیے،حالانکہ الفاظِ دُعاء میں حَتَّی الْوُسْع(جِتنا ممکن ہو)تَغْیِیْر (تبدیلی)نہیں کی جاتی۔(فتاویٰ رضویہ ،۳۰ /۱۵۶-۱۵۷ملتقطا)

نُوح و خَلیل و مُوْسیٰ و عِیْسیٰ                                        سب کا ہے آقا نامِ محمد

دَوْلَت جو چاہو دونوں جہاں کی                                     کر لو وَظیفہ نامِ محمد

پائیں مُرادیں دونوں جہاں میں                                     جس نے پُکارا نامِ محمد

(قبالۂ بخشش،ص۷۳)

صَلُّوْا عَلَی الْحَبِیْب!                                     صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!سُنا آپ نے کہ رَبُّ الْعٰلَمِیْن عَزَّ  وَجَلَّ کو اپنےمَدَنی حبیب صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ اور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے نامِ اَقدَس کا ادب کس قَدَر عزیز ہے کہ اُس نے اپنے پاکیزہ کلام میں اپنے بندوں کو آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ اور آپ  صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے نامِ نامی اِسمِ گِرامی کا ادب بجالانے کا حکم اِرْشادفرمایا۔لہٰذا ہمیں چاہئے کہ ہم بھی اِس فرمانِ خُداوَندی اور مُفَسِّرِینِ کِرام رَحْمَۃُ اللّٰہِ تَعَالٰی عَلَیْہِمْ اَجْمَعِیْن کے اِرْشادات پر عمل کرتے ہوئے آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو پُکارتے وقت ادب و تَعْظِیم کا دامن مَلْحُوظِ خاطِر رکھتے ہوئے ہمیشہ صِفاتی نام مَثَلاً  یَارَسُوْلَ اللہ، یَاحَبِیْبَ اللہ وغیرہ اِسْتِعْمال کرنے کی عادت بنائیں۔ویسے تو آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے تمام ہی نام یقیناً لائقِ ادب و تَعْظِیم اور خُدا عَزَّ  وَجَلَّ کے مَحبوب ہیں مگر اِن میں سے نام ”اَحْمَد“