ہیں یُوں تو کَثْرت سے نام لیکن                                      سب سے ہے پیارا نامِ مُحمد

صَلِّ عَلٰی کا سہرا سجا کر                                            دُولہا بنایا نامِ مُحمد

(قبالۂ بخشش،ص۷۳)

صَلُّوْا عَلَی الْحَبِیْب!                                     صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!سُنا آپ نے کہ نامِ”مُحَمَّد“کی بھی کیا خوب شان و شوکت ہے کہ جس خُوش نصیب کا نام ”مُحَمَّد“ رکھ دیا جائے تو یہ نام اُسے بھی شان و شوکت والا اور تَعْظِیم و تَوْقِیر کا مُسْتَحِق بنادیتا ہے لہٰذا بِالْعُمُوم سبھی اور بِالْخُصُوص جن کا نام”مُحَمَّد“ہو اُن کی اِنْتِہائی تَعْظِیْم و تَوْقِیر بجالائیے۔

یاد رہے!ادب کا یہ اندازہمیں اُسی وقت سمجھ آسکتا ہے کہ جب ہم آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا حقیقی مَعْنیٰ میں ادب  و اِحْتِرَام بجالائیں گے کیونکہ آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا ادب و اِحْتِرَام بجالانا ہم سب پر ضروری ہے چُنانچہ صَدْرُ الشَّرِیْعہ، بَدْرُ الطَّرِیقہ حضرت علّامہ مَوْلانامُفتی محمد اَمجد علی اَعْظَمیرَحْمَۃُ اللّٰہ ِتَعَالٰی عَلَیْہ فرماتے ہیں:نَبِی کی تَعْظِیْم فَرْضِ عَیْن بلکہ اَصلِ تَمامِ فَرائض ہے۔کسی نَبِی کی اَدْنیٰ تَوْہِین یا تَکذِیب، کُفْر ہے۔(بہارِ شریعت،حِصَّہ اوّل،۱/۴۷)اَلْحَمْدُ لِلّٰہ عَزَّ  وَجَلَّ ہمارا پِیارا پَرْوَرْدگار عَزَّ  وَجَلَّ بھی اپنے پاکیزہ کَلام میں اپنے بندوں کوحَبیبِ مُکَرَّم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی تَعْظِیْم و تَوْقِیْر بجالانے کی تَرغِیْب اِرشاد فرمارہا ہے چُنانچہ پارہ26سُوْرَۂ فَتْح کی آیت نمبر9میں اِرشادِ رَبُّ الْعِباد ہے:

لِّتُؤْمِنُوْا بِاللّٰهِ وَ رَسُوْلِهٖ وَ تُعَزِّرُوْهُ وَ تُوَقِّرُوْهُؕ- (پ۲۶،الفتح:۹)

 ترجَمۂ کنزُ الاِیمان:تاکہ اے لوگو تم اللہ اور اُس کے رَسُول پر اِیمان لاؤ اور رَسُول کی تَعْظِیْم و تَوْقِیْرکرو۔

اعلیٰ حضرت،اِمامِ اَہْلسُنّت مولانا شاہ امام اَحمد رضا خانرَحْمَۃُ اللّٰہ ِتَعَالٰی عَلَیْہ بَیان  کردہ آیتِ مُقَدَّسَہ