مسجِد اور گھر کی چھت پرجبکہ چوک وغیرہ پر راہگیروں اورسُواریوں کو تکلیف سے بچاتے ہوئے حُقوقِ عامّہ تَلَف کئے بِغیر فضا میں مُعَلَّق12میٹر یا حسبِ ضَرورت سائز کے بڑے بڑے مَدَنی پرچم لہرائیے۔ بیچ سڑک پر مَدَنی پرچم کے لئے بانس مت گاڑیئے کہ اِس سے ٹریفک کا نظام مُتاَثِّر ہوتا ہے۔ نیز گلی وغیرہ کہیں بھی اِس طرح کی سجاوٹ  نہ کیجئے جس سے لوگوں کا راستہ تنگ ہو اور اُن کی حق تَلَفی اور دل آزاری ہو۔

مَشرق ومَغرب میں اک اک! بامِ کعبہ پر بھی ایک                           نَصب پرچم ہوگیا ، اَھْلاً وَّ سَھْلاً مرحبا

                                                                                                            (وسائلِ بخشش مُرمّم،ص۱۴۶)

            ہراسلامی بھائی حَسْبِ تَوفیق زِیادہ ورنہ 112یاکم اَزْ کم 12 روپے کے مکتبۃُ المدینہ کے مطبوعہ رسائل اور مَدَنی پُھولوں کے مُختلف پمفلٹ جُلُوسِ میلادمیں بانٹے اوراسلامی بہنیں بھی تقسیم کروائیں۔اِسی طرح سارا سال اپنی دُکان وغیرہ پرتقسیمِ رسائل کی ترکیب فرماکر نیکی کی دعوت کی دُھومیں مچائیے۔ شادی غَمی کی تَقاریب میں اورمرحوموں کے ایصالِ ثواب کی خاطِر بھی  تقسیمِ رسائل کی ترکیب کیجئے اوردیگر مُسلمانوں کو اِس کی ترغیب دیجئے۔

بانٹ کر  مَدَنی  رسائل  دِین کو پھیلائیے                           کرکے راضی حق کو حقدارِ جِناں بن جائیے

            مکتبۃ المدینہ کا تحریر کردہ پمفلٹ ’’جَشنِ وِلادَت کے12مَدَنی  پُھول‘‘ ممکن ہو تو 112ورنہ کم اَزْ کم 12 عدد نیز ہوسکے تو رسالہ صُبحِ بہاراں12عدد مکتبۃُ المدینہ سے ہَدِیّۃً حاصل کرکے تقسیم کیجئے۔خُصُوصاً  اُن تنظیموں کے سربراہوں تک پہنچائیے جوجَشنِ وِلادَت کی دُھومیں مَچاتے ہیں۔ رَبِیْعُ الاوّل شریف کے دوران 1200 روپے اگر یہ نہ ہوسکے تو 112 روپے اور اگر یہ بھی نہ بن پڑے تو 12 روپے (بالِغان) کسی سُنّی عالِم کو پیش کیجئے۔اگر اپنی مسجد کے اِمام،مُؤذِّن یا خُدّام میں بانٹ دیں تب بھی ٹھیک ہے بلکہ یہ خدمت ہر ماہ جاری رکھنے کی نِیَّت کریں تو مدینہ مدینہ ۔ جمعہ کے روز دیں تو بہتر کہ جمعہ کو ہر نیکی کا سَترَّ70) )گُنا ثواب ملتا ہے۔(مگر جمعہ کا انتظار کرنے کے بجائے موقع ملتے ہی نیک کام فوراً کر لینا چاہئے ) اَلْحَمْدُ لِلّٰہ عَزَّ  وَجَلَّ سُنَّتوں بھرے