رکھو لَحد میں جس دم عزیزو                                        مُجھ کو سُنانا نامِ مُحمد

روزِ قِیامت مِیزان و پُل پر                                        دے گا سَہارا نامِ مُحمد

(قبالۂ بخشش،ص۷۳)

صَلُّوْا عَلَی الْحَبِیْب!                                     صَلَّی اللّٰہُ تَعَالٰی عَلٰی مُحَمَّد

کتاب”نام رکھنے کے اَحکام“کا تعارُف

اے عاشِقانِ رَسُول!بَیان  کردہ نامِ”مُحَمَّد“کے مُتَعَلِّق دِلچسپ  مَدَنی پُھول سُن کر ہمارے سِینوں میں بھی اِس مُقَدَّس نام  کی اَہَمِیَّت و اَفْضَلِیَّت اور شان و عَظمت مزید اُجاگَر ہوئی ہوگی۔ نامِ”مُحَمَّد“ کے فضائل وبَرکات اور نام رکھنے کے بارے میں شَرعی اَحکامات اور بہت سے  مَدَنی پُھولوں کی مَعلومات کے لئے دعوتِ اِسلامی کے اِشاعتی اِدارے مکتبۃُ المدینہ کی مَطْبُوْعہ کتاب بَنَام ”نام رکھنے کے اَحکام“کا مُطَالَعَہ فرمائیے۔اَلْحَمْدُ لِلّٰہ عَزَّ  وَجَلَّ اِس کتاب میں مُعَاشَرے میں نام رکھنے کے مختلف اَنداز،اللہعَزَّ  وَجَلَّ  کے پسندیدہ نام،ضروری وَضاحت،اَسمائے اِلٰہِیَّہ کے ساتھ نام رکھنے کے  مَدَنی پُھول،نامِ”مُحَمَّد“ کی بَرَکتوں پر مُشْتَمِل فَرَامِیْنِ مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ،لفظِ”مُحَمَّد“کے بارے میں اِیمان اَفروز  مَدَنی پُھول، لَقَب،تَخَلُّص اور کُنْیَت کی تعریف،اِس کے عِلاوہ  مَدَنی مُنّوں اورمدنی مُنِّیوں کے نام رکھنے کے لئے 538 ناموں کی فِہرِس کو بھی شامل کیا گیا ہے، لہٰذا خُود بھی اِس کتاب کا مُطَالَعَہ کیجئےاور دُوسروں کو بھی پڑھنے کی ترغیب دِلائیے۔دعوتِ اسلامی کی ويب سائٹ www.dawateislami.net سے اِس کتاب کو پڑھابھی جا سکتا ہے،ڈاؤن لوڈ (Download)اور پِرِنٹ آؤٹ(Print Out) بھی کيا جا سکتا ہے۔

صَلُّوْا عَلَی الْحَبِیْب!                                                    صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو! ہمارے بُزرْگانِ دِین رَحْمَۃُ اللّٰہ ِتَعَالٰی عَلَیْہِمْ اَجْمَعِیْن نامِ”مُحَمَّد“کا