یہ بھی ہے کہ ہم کسی اچھے ماحول سے وابستہ ہوکر دینِ متین کے مدنی کاموں میں مشغولیت اختیار کرکے اس موذی مرض کی کاٹ کریں ۔اَلْحَمْدُ لِلّٰہ عَزَّ  وَجَلَّ دعوتِ اسلامی کے مدنی ماحول میں بدشگونی سمیت کئی بُرائیوں کے نہ صرف اسباب کی طرف توجہ دلائی جاتی ہے بلکہ ان کے علاج کے طریقوں کے متعلق بھی مدنی پھول دئیے جاتے ہیں لہٰذا آپ بھی اس مدنی  ماحول سے وابستہ ہوکر خوب خوب برکتیں لُوٹیے۔ اَلْحَمْدُلِلّٰہعَزَّوَجَلَّدعوتِ اسلامی خدمتِ دِین کے104شعبہ جات(Departments)  میں نیکی کی دعوت عام کرنے میں مصروفِ عمل ہے، اِنہی میں سے ایک شعبہ ’’ مجلس اَئمۂ  مساجد‘‘ بھی ہے کہ  جو مَساجد کی آبادکاری کیلئے خطباء،ائمہ ومُؤذِّنین کی تَقرُّرِی کا کام سَراَنْجام دیتی ہےاوران کی خَیْرخَواہی کرتے ہوئے مناسب مُشاہرے بھی مُقَرَّر کرتی ہے، تاکہ یہ اسلامی بھائی مُعاشی پریشانیوں سے آزادہوکر خُوب خُوب نیکی کی دعوت عام کرتے رہیں۔مَساجدکوآباد کرنے میں اَئمہ ومُؤذِّنین کا اَہَمّ کردار ہوتاہے۔

اَلْحَمْدُ لِلّٰہعَزَّ  وَجَلَّ دعوتِ اسلامی کے مدنی ماحول سے وابستہ اَئمۂ  کرام،صدائے مدینہ، اِنْفِرادی کوشش کے ذَریعے نمازِ باجماعت کی طرف رَغْبت،مدنی درس(دَرسِ فیضانِ سُنَّت) ،نمازِ فجر کے بعدمَدنی حلقے میں شِرکت،مدنی دورے کے ذریعے اُس مسجد کے اطراف کے گھروں اوردُکانوں وغیرہ میں نیکی کی دعوت کو عام کرنے  اورسُنَّتوں  کی تربیت کیلئے عاشقانِ رسول کے مدنی قافلوں کی بَرکت سے  مَسجدوں کو آبادرکھنے کی کوشش کرتے ہیں۔اللہ تعالیٰ مجلس ائمۂ مساجد کو مزید ترقیاں اور عروج نصیب فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

ہوجائیں مولا مسجدیں آباد سب کی سب                                        سب کو نمازی دے بنا یارَبِّ مُصْطَفٰے

اَحکامِ شَرع پر مجھے دے دے عمل کا شوق                    پیکر خُلُوص کا بنا یارَبِّ مُصْطَفٰے

(وسائلِ بخشش مرمم ،ص۱۳۱)

صَلُّوْا عَلَی الْحَبِیْب!                              صَلَّی اللّٰہُ تَعَالٰی عَلٰی مُحَمَّد