(وسائلِ بخشش ،ص۱۰۵)

میٹھے میٹھے اسلامی بھائیو! سُنا آپ نے کہ اللہ عَزَّ  وَجَلَّ  کے پیارے نبی حضرت سَیِّدُنا داؤد عَلَیْہِ السَّلَام  اللہ عَزَّ  وَجَلَّ سے اُس کی محبت کی دُعا مانگا کرتے،لہٰذا ہمیں بھی چاہئے کہ ہم بھی اپنے رَبّ  عَزَّ  وَجَلَّ سے اُس کی محبت کی دُعائیں مانگا کریں، یقین کیجئے کہ محبتِ الٰہی وہ عظیم نعمت ہے کہ جسے نصیب ہوجائے اُسے عبادت کی لذّت  اور ایمان کی چاشنی نصیب ہوجائے۔

ایمان کی چاشنی

حضرت سیّدناانس بن مالک رَضِیَ اللہُ تَعَالٰی عَنْہُسے روایت ہے کہ سرکارِنامدار، مدینے کے تاجدار صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا فرمانِ خوشبودار ہے: ثَلاَثٌ مَنْ کُنَّ فِیْہِ وَجَدَ بِہِنَّ حَلَاوَۃَ اْلاِیْمَانِ یعنی جس شخص کے اندر3 خصلتیں ہوں گی وہ ان کے ذریعے ایمان کی مٹھاس پالے گا،(1)اَنْ یَّکُوْنَ اللّٰہُ وَرَسُوْلُہُ اَحَبَّ اِلَیْہِ مِمَّا سِوَاہُمَا،اللہ عَزَّ  وَجَلَّ  اور اُس کا رسول صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ اُسے سب سے زیادہ محبوب ہوں۔ (2)وَاَنْ یُّحِبَّ الْمَرْءَ لَا یُحِبُّہٗ اِلَّا لِلّٰہِ،کسی سے محبت کرے تورِضائے الٰہی کیلئے کرے۔ (3)وَاَنْ یَّکْرَہَ اَنْ یَّعُوْدَ فِی الْکُفْرِ کَمَا یَکْرَہُ اَنْ یُوْقَدَ لَہٗ نَارٌ فَیُقْذَفَ فِیْہَا کفر سے اتنی ہی نفرت ہو، جتنی بھڑکتی آگ میں جھونک دیے جانے سے نفرت ہوتی ہے۔(شعب الایمان ،باب فی محبۃ اللہ  عزوجل، ۱/۳۶۴،حدیث: ۴۰۵)

صَلُّوْا عَلَی الْحَبِیْب!                               صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو! سُنا آپ نے کہ ایک مسلمان کے دل میں اللہ عَزَّ  وَجَلَّ  اور اُس کے پیارے رسول صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی محبت کائنات کی ہر چیز سے بڑھ کر ہونا اور کسی سے محبت یا نفرت کی بُنیادی وجہ اللہعَزَّ  وَجَلَّ  اور اُس کے رسول صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی رضامندی ہونا کتنی عظیم