میں کروڑوں منزلوں پراپنا جلوہ دکھا کر واپس بھی تشریف لے آئے ،ابھی تک ستارے اسی طرح چمک رہے تھے، ان کے سائے بھی نہ بدلے  تھے ۔^([1])

اللہ کی عنایت                     مرحبا     معراج کی عظمت                   مرحبا

بُراق کی قسمت                    مرحبا     بُراق کی سُرعَت                       مرحبا

اَقْصیٰ کی شوکت                    مرحبا     نبیوں کی اِمامت                      مرحبا

آقا کی رِفْعت                        مرحبا     آسماں کی سِیاحت                      مرحبا

مکینِ لامکاں کی عظمت             مرحبا     چشمانِ نبوت                        مرحبا

صَلُّوْا عَلَی الْحَبِیْب!                                            صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی بھائیو!شبِ اسراء کے دُولہا ،محبوبِِ کبریا صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نےصبح  جب قریش کے سامنےرات کےواقعۂ معراج کو بیان کیا توانہیں  سخت تَعَجُّب ہوا اور آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو مَعَاذَ اللہ عَزَّ  وَجَلَّجُھوٹا  ثابت کرنے کیلئے امتحاناً سوالات شروع کردئیے۔

مُفتی احمد یار خانرَحْمَۃُ اللّٰہ ِتَعَالٰی عَلَیْہ   فرماتے ہیں:وہ سُوالات بھی فُضُول تھے ۔مثلاً یہ کہ بَیْتُ الْمَقْدَس میں سُتُون کتنے ہیں، سِیْڑھیاں کتنی ہیں،مِنْبَر کِس طرف ہے ۔ ظاہِر ہے کہ یہ چیزیں تو بار بار دیکھنے پر بھی یاد نہیں رہتیں تو ایک بار دیکھنے پر یاد کیسے رہتیں۔کُفَّار نے کہا کہ عَرْش و کُرسِی کی باتیں جو آپ بیان کررہے ہیں ،اُن کی تو ہم کو خَبَر نہیں ،بَیْتُ الْمَقْدَس ہم نے دیکھا ہوا ہے، وہاں کی نِشانیاں آپ ہم کو بتائیں۔ ^([2]) (لہٰذا جب بَیْتُ الْمَقْدَس کی کَیْـفِـیَّت پوچھی گئی تو)نبیِ کرىم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو کچھ تَرَدُّد ہوا، کىونکہ اگرچہ آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ بَیْتُ الْمَقْدَس مىں داخِل ہوئے تھے لىکن آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے اس کى کَیْـفِـیَّت کے مُتَعَلِّق گہرى نظر نہىں فرمائى تھى،اور پھر وہ رات بھى تارىک