Share this link via
سفر معراج اور علم غیب مصطفے صلی اللہ تعالی علیہ و الہ وسلم
ہمیں کیسے معلوم ہوسکتا ہے،آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے اپنے داہنے ہاتھ والی کتاب کی طرف اشارہ کرکے فرمایا: یہ رَبُّ الْعالَمِین عَزَّ وَجَلَّ کی طرف سے بھیجی ہوئی وہ کتاب ہے جس میں اہلِ جنّت کے نام ہیں اور ان کے آباء و اجداد اور قبیلوں کے نام ہیں اور آخر میں اُن سب کی کل تعداد بھی دی گئی ہے،نہ اِن میں اضافہ کیا جائے گا اور نہ ان میں کمی کی جائے گی۔پھر دوسرے ہاتھ مبارک والی کتاب کی طرف اشارہ کرکے ارشاد فرمایا:یہ رَبُّ الْعالَمِین عَزَّ وَجَلَّ کی طرف سے بھیجی ہوئی وہ کتاب ہے جس میں تمام دوخیوں کے ،اُن کے آباء و اجداد کے اور اُن کے قبیلے کے نام ہیں، آخر میں اُن کی مجموعی تعداد بھی دی گئی ہے نہ ان میں اضافہ کیا جائے گا اور نہ ہی کمی کی جائے گی۔([1])
میٹھے میٹھے اسلامی بھائیو!اس حدیث پاک سے واضح طور پر معلوم ہوتا ہے کہ ہمارے پیارے آقا،مکی مدنی مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ تمام اہلِ جنّت اور اہلِ دوزخ کو جانتے ہیں بلکہ اُن کے آباء و اجداد ،اُن کے حسب نسب اور اُن کے قبیلے وغیرہ سب چیزوں کا علم، آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کو ہے حتی کہ آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ یہ بھی جا نتے ہیں کہ مخلوق میں سے کون خوش نصیب ایمان لائے گا اور کون بد نصیب اس سے محروم رہے گا۔
یقیناً یہ اللہ عَزَّ وَجَلَّ کا بہت کرم ہے کہ اس نے ہمیں حضورِ اکرم، نورِ مجسم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی اُمّت میں پیدا فرمایا اور ہمیں ایمان کی دولت سے بھی سرفراز فرمایا،لہٰذا ہم سب کو چاہئے کہ اللہ عَزَّوَجَلَّ کی بارگاہ میں ایمان پر استقامت اور خاتمے کی دُعا کرتے رہا کریں اور ایمان کی حفاظت کی فکر کرتے ہوئے اپنے آپ کو تمام گُناہوں سے دُور رکھیں ،خاص طور پر اُن برائیوں سے اپنے آپ کو بچائیں، جن کی وجہ سے ایمان برباد ہونے کا اندیشہ ہے۔
BOOK TOPIC
- دُرُود شَریف کی فضیلت
- بَیان سُننے کی نیّتیں
- مختصر واقِعۂ مِعراج
- انبیائے کرام سے ملاقاتیں
- کلامِ رضا کی وضاحت:
- میں نے سب کچھ پہچان لیا
- حضرتِ بِلال رَضِیَ اللہُ تَعَالٰی عَنۡہُ کے قدموں کی آہٹ
- شرحِ حدیث
- رسالہ ”بُرے خاتمے کے اسباب“
- کتاب ”فیضانِ معراج “ کاتعارف
- ”ہفتہ وار سُنّتوں بھرا اجتماع“
- اِسی ماحول نے ادنٰی کو اعلٰی کردیا دیکھو!
- مجلس وکلاءوججز
- شہیدانِ دعوتِ اسلامی کا تعارف
- ناخن کاٹنے کی سُنّتیں اور آداب
