بننے اورگُناہوں سے بچنے کی راہ میں حائل رُکاوٹیں اللہعَزَّ  وَجَلَّ  کے فَضْل وکرَم سے دُور ہوتی چلی جاتی ہیں ،پابند ِ سُنّت بننے ، گُناہوں سے نفرت کرنے اور ایمان کی حِفاظت کے لئے کُڑھنے کا ذہن بھی بنتا ہے۔

کتاب ”فِکرِ مدینہ“ کا تعارُف

میٹھے میٹھے اسلامی بھائیو!فِکرِ مدینہ کے بارے میں تَفْصِیْلـی معلومات حاصل کرنے،فکرِ مدینہ پر استقامت پانے،پابندِ سنت بننے اور ایمان کی حفاظت کا جذبہ پانے کے لئے مکتبۃُ المدینہ کی مطبوعہ 166صفحات پر مُشْتَمِل کتاب” فکر ِمدینہ“ کا مُطالعہ نِہایت مُفید ہے۔اس کتاب میں فکرِ مدینہ (اَعْمال کا مُحاسَبہ کرنے ) کی ضرورت و اَہَمِّیَّت،اِس کے فَوائد،قرآن و حدیث  کی روشنی میں مُحاسَبہ کرنے کا ثُبُوت اور بُزرگانِ دِین کی فکرِ مدینہ کے واقعات بیان کرنے کے ساتھ ساتھ مُختلف موضوعات پر فکرِ مدینہ کرنے کا عملی طریقہ بھی بیان کِیا گیا ہے۔اس کے علاوہ امیرِ اہلسنّت دَامَتْ بَـرَکاتُہُمُ الْعَالِیَہ کے 2رسائل پڑھنا بھی اِس تعلق سے بہت مُفید ہوں گے،ایک کا نام ہے"نیک بننے کا نُسخہ"اوردُوسرے رِسالے کانام ہے"میں سُدھرنا چاہتا ہوں"۔تمام اسلامی بھائیوں سے مَدَنی اِلْتِجا ہے کہ اس کتاب کو آج ہی مکتبۃ المدینہ سے ہدیۃً طلب فرماکر اس کا مُطالعہ کیجئے۔دعوتِ اسلامی کی ویب سائٹ  www.dawateislami.net سے اس کتاب اوران 2 رِسالوں کو رِیڈ(یعنی پڑھا) بھی جا سکتا ہے، ڈاؤن لوڈ (Download) اور پرنٹ آؤٹ(Print Out) بھی کیا جا سکتا ہے۔

نَجات کا بہترین ذریعہ

میٹھے میٹھے اسلامی بھائیو!مَدَنی اِنعامات کے بارے میں اگر یہ کہا جائے کہ یہ نَجات کی راہ پر چلنے کا ایک بہترین ذریعہ ہیں تو شاید غَلَط نہ ہوگا، کیونکہ ان میں سے بعض مَدَنی اِنعامات فَرَائِض پر، بعض واجِبات پر اور بعض سُنَن و مُسْتَحَبّات پر مُشْتَمِل ہیں اور یقیناً یہ تمام کام اُخْرَوی نَجات کا باعث