Share this link via
-
Home
-
Islamic Speeches
-
رزق ۾ تنگي جا سبب
- page 24
رزق ۾ تنگي جا سبب
وياج جي مذمت ۾ 4 فرمانِ مُصطفٰيٰ صَلَّی اللّٰہُ تَعَالٰی عَلَیْہِ واٰلہٖ وسلَّم
1. رسول الله صَلَّى اللهُ تَعَالٰى عَلَيْهِ وَاٰلِهٖ وَسَلَّم جن وياج کائڻ واري، کارائڻ واري، انهيءَ جي تحرير لکڻ واري ۽ انهيءَ جي گواهن تي لعنت ڪئي ۽ فرمايائون ته اهي سڀ برابر آهن. (مسلم،کتاب المساقاة...الخ، باب لعن اٰکل الربا ومؤکله، ص۸۶۲،حدیث:۱۵۹۸)
2. فرمايو: وياج جو هڪ دِرهم جنهن کي ڄاڻي ڪري ڪو کائي، هي ڇٽيھ (36) ڀيرا بدڪاري کان به سخت آهي۔ (مسند امام احمد،مسند الانصار، ۸/۲۲۳، حدیث:۲۲۰۱۶)
3. فرمايو: شبِ معراج منهنجو گذر هڪ قوم تي ٿيو جن جا پيٽ گھر جيان (وڏا وڏا) آهن، ان پيٽن ۾ نانگ آهن جيڪي ٻاهر کان نظر اچي رهيا هئا۔ مون پڇيو: اي جبرائيل! هي ڪير آهن ؟۔ چيائين: هي وياج خور آهن ۔ (ابن ماجه،کتاب التجارات،باب التغلیظ فی الربا،۳/۷۲،حدیث:۲۲۷۳)
4. محسنِ ڪائنات، فخر موجودات صَلَّى اللهُ تَعَالٰى عَلَيْهِ وَاٰلِهٖ وَسَلَّم جن فرمايو: وياج سان (بظاهر) توڙي جو مال گھڻو ٿئي، پر نتيجو هي ٿيندو ته مال گھٽجي ويندو۔ (مسندامام احمد ،مسند عبدالله بن مسعود،۲/۵۰، حدیث:۳۷۵۴)
علّامه عبدُ الرؤف مَناوي رَحْمَةُ اللّٰه ِتَعَالٰى عَلَيه هن حديثِ پاڪ تحت فرمائن ٿا: وياج جي ذريعي مال ۾ وڏي تيزي سان اضافو ٿيندو آهي پر وياج وٺڻ واري شخص تي (مال جي) تباهي ۽ بربادي جا جيڪي دروازا کلندا آهن ان ڪري اهو مال گھٽ ٿيندي ٿيندي نيٺ ختم ٿي ويندو آهي۔ (فیض القدیر،۴/۶۶،تحت الحدیث:۴۵۰۵) وياج واري مال جي هلاڪت ۽ تباهي جي باري ۾ ارشادِ خداوندي عَزَّوَجَلَّ آهي۔
یَمْحَقُ اللّٰهُ الرِّبٰوا وَ یُرْبِی الصَّدَقٰتِؕ- (پ ۳،البقرة:۲۷۶) ترجموڪنز الايمان: الله وِياج کي برباد ڪري ٿو ۽ وڌائي ٿو خيرات کي
