مدنی قافلوں میں سفر کرنے سے کیا کیا حاصل ہوگا،آئیے!اشعارکی صورت میں سُنتے ہیں،چنانچہ امیرِ اہلسنّت دَامَتْ بَـرَکاتُہُمُ الْعَالِیَہ   فرماتے ہیں:

لُوٹنے رحمتیں قافلے میں چلو                                                       سیکھنے سنتیں قافلے میں چلو

قرض ہوگا اَدا آکے مانگو دُعا                                                         پاؤ گے برکتیں قافلے میں چلو

دُکھ کا دَرماں ملے آئیں گے دن بھلے                                                 ختم ہوں گردشیں قافلے میں چلو

غم کے بادل چَھٹیں خُوب خُوشیاں ملیں                                             دل کی کلیاں کِھلیں قافلے میں چلو

مال چوری ہوا یا کہیں گُم گیا                                                          خیر ہوگی سُنیں قافلے میں چلو

تنگدستی مٹے دُور آفت ہٹے                                                          لینے کو برکتیں قافلے میں چلو

(وسائل بخشش مُرمّم ، ص۶۶۹تا ۶۷۲)

دعوتِ اسلامی کے مدنی ماحول سے ہر دم وابستہ رہئے،آئیے ترغیب کیلئے ایک مدنی بہار سُنتے ہیں:

میں نے ویڈیو سینٹر کیوں بند کیا؟

لانڈھی(باب المدینہ، کراچی)کے مقیم اسلامی بھائی کے بیان کا خُلاصہ ہے: ہمارے علاقے میں ایک ویڈیو سینٹرکے باہر دعوتِ اسلامی سے وابستہ اسلامی بھائی اصلاحِ اُمّت کی کُڑھن میں گرمی کی تپش اور سردی کی ٹھنڈک کی پروا کئے بغیر مُسْتَقِل مِزاجی سے چوک درس دیا کرتے تھے ۔اسلامی بھائی اس ویڈیوسینٹر کے مالک کو بھی درس میں شرکت کی دعوت دیتے رہتے لیکن وہ روزانہ مصروفیت کا کہہ کر معذرت کر لیتا بالآخر ایک دن چوک درس میں شرکت کر ہی لی۔ جب مبلغِ دعوتِ اسلامی نے درس شروع کیا تو خوفِ خدا اور عشقِ مُصطفٰے سے بھرپور الفاظ تاثیر کا تیر بن کر ان کے دل میں پیوست ہو گئے ۔ دل و دماغ پر چھائے غفلت کے پردے ہٹ گئے ۔ان پر چوک درس کی برکت سے فکرِ آخرت غالب آگئی۔ جب مبلغِ دعوتِ اسلامی نے انفرادی کوشش کرتے ہوئے انہیں دعوتِ اسلامی کے ہفتہ وار سنّتوں