Book Name:Rizq Main Tangi Kay Asbab
طریقے سے رِزْق طلب کریں۔ اِنْ شَآءَ اللہ عَزَّوَجَلَّجو نصیب میں ہے وہ ضرور ملے گا۔دو عالَم کے مالِک و مختار ، مکّی مَدَنی سرکار صَلَّی اللّٰہُ تَعَالٰی عَلَیْہِ واٰلہٖ وسلَّمکا فرمانِ عالیشان ہے : بے شک رِزْق بندے کو تلاش کرتا ہے جیسے اس کی موت اسے تلاش کرتی ہے۔([1]) لہٰذا اس حدیثِ پاک کو پیشِ نظر رکھتے ہوئے اللہ عَزَّوَجَلَّ پر کامل بھروسا رکھنا چاہئے اور اس بات کو اپنے پلّے سے باندھ لینا چاہئے کہ رِزْق کی وُسعت و فراوانی اللہ عَزَّ وَجَلَّ کی رضا میں ہی پوشیدہ ہے،جب ہمارے معاشرے کا ہرفرد ظاہری اسباب کے ساتھ ساتھ رحمتِ الٰہی اور فضلِ خداوندی کا طالب ہوگا ،اپنے دل میں تقویٰ وپرہیزگاری کا پودا لگائےگا،اپنے آپ کو گُناہوں سے بچائے گا اور اللہ عَزَّ وَجَلَّ کا خوف دل میں پیدا کرے گا اور اُس پر کامل بھروسا کرے گا تو اِنْ شَآءَ اللہعَزَّ وَجَلَّ ہمارے معاشرے میں خوشحالی کا راج ہوگااور رِزْق میں ایسی خیر و برکت ہوگی جو ہمارے وہم و گمان میں بھی نہیں۔جیساکہ ارشادِ باری تعالیٰ ہے :
|
وَ مَنْ یَّتَّقِ اللّٰهَ یَجْعَلْ لَّهٗ مَخْرَجًاۙ(۲)وَّ یَرْزُقْهُ مِنْ حَیْثُ لَا یَحْتَسِبُؕ-وَ مَنْ یَّتَوَكَّلْ عَلَى اللّٰهِ فَهُوَ حَسْبُهٗؕ- (پ ۲۸، الطلاق:۲-۳) |
ترجَمۂ کنز الایمان:اور جو اللّٰہ سے ڈرے اللّٰہ اس کے لئے نجات کی راہ نکال دے گا اور اسے وہاں سے روزی دے گا جہاں اس کا گمان نہ ہو اور جو اللّٰہ پر بھروسہ کرے تو وہ اسے کافی ہے ۔ |
|
|
|
تُو ڈر اپنا عنایت کر رہیں اس ڈر سے آنکھیں تَر |
مٹا خوفِ جہاں دل سے مٹا دنیا کا غم مولیٰ |
||
(وسائل بخشش مُرمّم ، ص۹۸)
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمَّد