”چَند (مثلاً ایک(1)، دو(2) یا تین(3))اِسلامی بہنوں کواَلگ سے نیکی کی دَعْوَت دینے (یعنی اُنہیں سمجھانے) کو اِنْفِرادی کوشِش کہتے ہیں ۔“(انفرادی کوشش،ص۲۱)

اِنْفِرادی کوشِش کی اَہَمِیَّت

شَیْخِ طَرِیْقَت،اَمِیْرِ اَہلسُنّت،بانیِ دعوتِ اِسلامی حضرت علّامہ مَوْلانا ابُو بلال محّمد اِلیاس عطّار قادِرِی رَضَوِی ضِیائی دَامَتْ بَرَکاتُہُمُ الْعَالِیَہ   فرماتے ہیں:”دعوتِ اِسلامی کا % 9.99 کام اِنْفِرادی کوشِش کے ذریعے ہی مُمْکِن ہے ۔“(انفرادی کوشش،ص۲۲)مزید فرماتے ہیں کہ  اپنا تَجْرِبَہ  یِہی ہے کہ اِجْتِماعی طور پر ہونے والے بَیانات بارہا سُننے کے باوُجُود جن اسلامی بھائیوں میں تبدیلی نہیں آتی،تھوڑی سی اِنْفِرادی کوشِش اُن کو بَدَل کر رَکھ دیتی ہے۔نیکی کی دَعْوَت کے مَدَنی کام میں اِنْفِرادی کوشِش کا ایک مُنفَرِد مَقام ہے۔ اَنْبِیَائے کِرام عَلَیْہِمُ الصَّلٰوۃُ وَالسَّلَام نےتبلیغِ دِین کیلئے جہاں اِجْتِماعی کوشِشیں فرمائی ہیں وہاں اِنْفِرادی کوشِش بھی کی ہے اور ایک ایک کے پاس جا کر بھی اِسلام کا پیغام دیا ہے۔

اَلْحَمْدُ لِلّٰہ عَزَّ  وَجَلَّ اِنْفِرادی کوشِش جیسے پاکیزہ عَمَل کے نتیجے میں ہمیں بے شمار دُنْیَوِی واُخْرَوِی فَضائَل و بَرَکات بھی حاصِل ہوں گے۔آئیے!بَطورِ تَرْغِیْب3فَرامِینِ مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کواِن کی شُرُوحات کے ساتھ سُنئے اور اپنے اندر اِنْفِرادی کوشِش کا جَذبہ بیدار کرنے کی کوشِش کیجئے:

(1)اللہ عَزَّ  وَجَلَّ  کی قَسَم!اگر اللہ تعالٰی تُمہارے ذَرِیْعے کسی ایک کو بھی ہِدَایَت دے دے تو یہ تُمہارے لئے سُرْخ اُوْنٹوں سے بہتر ہے۔(مسلم ،کتاب فضائل الصحابۃ،باب من فضائل علی بن ابن طالب، ص۱۳۱۱،حدیث :۲۴۰۶) حضرت سَیِّدُنا علّامہ یَحیْیٰ بِن شَرَف نَوَوِی(نَ،وَ،وِی)رَحْمَۃُ اللّٰہ ِتَعَالٰی عَلَیْہ   فرماتے ہیں:سُرْخ اُونْٹ اَہلِ عَرَب کا بیش قیمت(قیمتی) مال سمجھا جاتا تھا، اِس لئے ضَرْبُ الْمِثْل یعنی کَہَاوَت کے طور پر سُرخ اُونْٹوں کا ذِکْرکِیا گیا،اُخْرَوِی اُمُورکودُنْیَوی چیزوں سے تَشْبِیْہ یعنی مِثال دینا صِرْف