میں ہے  بلکہ اِن خِدمات کا چَرْچا”دعوتِ اِسلامی“کی صُوْرَت میں دُنیا کے کَم وبیش200 سے زائد مُمَالِک میں سُنائی دے رہا ہے،آپ دَامَتْ بَـرَکاتُہُمُ الْعَالِیَہ   کی مُخْلِصَانہ دِینی خِدمات نے عُلَمَائے کِرام کو بھی اِس قَدْر مُتَأَثِّر کیا کہ اُنہوں نے آپ دَامَتْ بَـرَکاتُہُمُ الْعَالِیَہ   کو اِس عظیم کام کا بیڑا اُٹھانے پر دِل کی گہرائیوں سے آپ دَامَتْ بَـرَکاتُہُمُ الْعَالِیَہ  کے لئے تَعریفی کَلِمَات اِرْشاد فرمائے۔آئیے!دو(2) مَشْہور عُلَمَائے کِرام کے تاثرات سُنتے ہیں چنانچہ

(1)شَرَفِ مِلَّت،اُستاذُ الْعُلَمَا حضرت علّامہ مَوْلانا محّمدعَبْدُالحکیم شَرَف قادِرِی رَحْمَۃُ اللّٰہ ِتَعَالٰی عَلَیْہ لکھتے ہیں:حدیث شریف میں ہے : مَنْ اَحْیَا سُنَّتِیْ بَعْدَ مَا اُمِیْتَتْ فَلَہٗ اَجْرُ مِائَۃِ شَہِیْدٍ یعنی جس شَخْص  نے ہماری ایسی سُنّت کو رائج کِیا جسے تَرْک کردِیا گیا ہواُس کیلئے سو(100) شَہِیْدوں کا ثَواب ہے۔اِس حدیثِ مُبارَک کی روشنی میں اَندازہ کیجئے کہ اَمِیْرِدعوتِ اِسلامی حضرت مَوْلانا محّمد اِلیاس عطّار قادِرِی رَضَوی دَامَتْ بَرَکاتُہُمُ الْعَالِیَہ  اور دعوتِ اِسلامی کے مُبَلِّغِیْن کو کتنے شَہِیْدوں کا ثَواب مِلے گا؟ جِن کی مَسَاعِیِ جَمِیْلہ (نیک کوشِشوں)سے لاکھوں اَفراد نہ صِرْف نَمازی بَن گئے ہیں بلکہ سَرْکارِ دوعالَم صَلَّی اللّٰہُ تَعَالٰی عَلَیْہِ واٰلہٖ وَسَلَّمَ کی سُنَّتوں پر عَمَل پیرا  ہوگئے،اِس کامیابی میں جہاں حضرت اَمِیْرِدعوتِ اِسلامی دَامَتْ بَرَکاتُہُمُ الْعَالِیَہ  کی شَب و روز کوشِشوں اور اُن کے بَیانات کا دَخْل ہے وہاں فَیْضَانِ سُنَّت کا بھی بڑا عَمَل دَخْل ہے ،فَیْضَانِ سُنَّت فَقِیر کے اَندازے کے مُطابِق پاکستان میں سب سے زِیادہ شائع ہونے والی کِتاب ہے۔(تذکرۂ امیر اہلسنت(قسط اول)،ص۳۲بتغیر قلیل)

(2) مَرْکَزِ عِلْم و عِرْفان ،جامِعَہ نِظَامِیَّہ رَضَوِیَّہ مَرکز الاَوْلِیا لاہور پاکستان اور رَضا فاؤنڈیشن کے بانی و ناظِمِ اَعلیٰ،مُحْسِنِ اَہلِسُنّت،مُفْتیِ اَعظم پاکستان اوراُستاذُ الْعُلَمَاء، حضرت علّامہ مَوْلانا مُفْتی محّمد عَبْدُ الْقَیُّوْم ہزاروی رَحْمَۃُ اللّٰہ ِتَعَالٰی عَلَیْہ فرماتے ہیں:فَقِیْر نے خُود اُن سے ملاقات کی ہے۔اُنھیں بے حَد مُتَوَاضِع (یعنی عاجِزی کرنے والا)،باعَمَل،عَوام کا دَرْد رکھنے والا،عُلَمَا ئے کِرام کی تعظیم کرنے والا اور مَذْہَبِ اِسلام