Share this link via
بزرگانِ دین کا جذبۂ اِصلاحِ اُمّت
ٹِھکانے کوپہچان کرخُود کوتَیَّار رکھتے ہیں۔ (تاریخ دِمشق ،۳۵/۲۰۸،رقم:۳۹۰۷)
|
مَوْت ٹھہری آنے والی آئیگی رُوح رَگ رَگ سے نکالی جائے گی قَبْر میں مَیِّت اُتَرْنی ہے ضَرور |
|
جان ٹھہری جانے والی جائیگی تجھ پہ اِک دن خاک ڈالی جائے گی جیسی کَرنی ویسی بھرنی ہے ضَرور |
اِسی طرح ایک بُزُرْگ رَحْمَۃُ اللّٰہ ِتَعَالٰی عَلَیْہ کی اِنْفِرادی کوشِش اورجَذبَۂ اِصلاحِ اُمَّت سے مُتَعَلِّق غافِلوں کو جَھْنْجھوڑنے والی ایک اورحِکایت سُنئے،چُنانچہ
دعوتِ اِسلامی کے اِشاعَتی اِدارے مکتبۃُ المدینہ کی مَطْبُوعہ 692صَفْحات پر مُشْتَمِل کِتاب ”مُکَاشَفَۃُ الْقُلُوْب“ صَفْحہ نمبر67 پر ہے کہ عُتْبَۃُ الْغُلَام(تَوْبَہ سے قَبْل)جس کی فِتْنَہ اَنگیزی اور شَراب نوشی کی داستانیں مَشہور تھیں،ایک دِن حضرت(سَیِّدُنا)حَسَن بَصْری رَحْمَۃُ اللّٰہ ِتَعَالٰی عَلَیْہ کی مَجْلِس میں آیا ، اُس وَقْت حضرت(سَیِّدُنا)حَسَن(بَصْری)رَحْمَۃُ اللّٰہ ِتَعَالٰی عَلَیْہ (پارہ 27سُوْرَۃُالْحَدِیْدآیت نمبر 16)کی تفسیر بَیان کررہے تھے:
اَلَمْ یَاْنِ لِلَّذِیْنَ اٰمَنُوْۤا اَنْ تَخْشَعَ قُلُوْبُهُمْ
لِذِكْرِ اللّٰهِ(پ۲۷،الحدید:۱۶)
ترجَمۂ کنز
الایمان:کِیا اِیمان والوں کو ابھی وہ وَقْت نہ آیا کہ اُن کے دل جُھک جائیں اللہ کی یاد( کے لئے)۔
آپ(رَحْمَۃُ اللّٰہ ِتَعَالٰی عَلَیْہ) نے اِس آیت کی ایسی تَشْرِیح(یعنی تَفْسِیر بَیان ) کی کہ لوگ رونے لگے، ایک جوان مَجلس میں کھڑا ہوگیا اور کہنے لگا اے بندۂ مومِن! کیا مُجھ جیسا فاسِق و فَاجِر بھی اگر تَوْبَہ کر لے تو اللہ تعالٰی قَبُول فرمائے گا؟ آپ(رَحْمَۃُ اللّٰہ ِتَعَالٰی عَلَیْہ)نے فرمایا :ہاں،اللہ تعالٰی تیرے گُناہوں کو (بھی)مُعَاف کردےگا، جب عُتْبَۃُ الْغُلَام نے یہ بات سُنِی تو اُس کا چہرہ زَرْد(پِیلا)پڑگیا اور کانپتے ہوئے چِیخ مار کر بے ہوش ہوگیا،جب اُسے ہوش آیا تو حضرت(سَیِّدُنا)حَسَن بَصْری رَحْمَۃُ اللّٰہ ِتَعَالٰی عَلَیْہ نے اُس
