اڃا حضور غوث پاڪ ..... ننڍا ئي هئا ته سندن جي والدِ محترم حضرت سَيّد ابوصالح موسيٰ جنگي دوست رَحْمَةُ الله تَعَالىٰ عَلَيه انتقال ڪري ويا، سندن ناني سڳوري حضرت عبدُالله صومعي رَحْمَةُ الله تَعَالىٰ عَلَيه سندن پرورش ڪئي جيڪي جِيلان شريف جي مشائخن منجهان هئا ۽ نهايت متّقي ۽ پرهيزگار هئڻ سان ڳڏو ڳڏ صاحبِ فضل ۽ ڪمال به هئا۔ انهن ئي کان حُضُور غوثِ پاڪ رَحْمَةُ الله تَعَالىٰ عَلَيه ابتدائي تعليم ۽ تَربِيت حاصل ڪئي۔

حُضُور پرنور، محبوبِ سبحاني، شيخ عبدُ القادر جيلاني رَحْمَةُ الله تَعَالىٰ عَلَيه کان ڪنهن پڇيو: توهان کي پنهنجو ولي هجڻ ڪڏهن معلوم کان معلوم ٿيو؟ ارشاد فرمايائون: منهنجي عمر ڏهن (10) سالن جي هئي، مان پنهنجي گھر مان مڪتب (يعني مدرسي) ۾ پڙھڻ ويندو هئس ته ملائڪن کي ڏسندو هيس جيڪي ڇوڪرن کي چوندا هئا ته الله عَزَّ وَجَلَّ جي ولي جي ويهڻ جي لاءِ جڳھ ڪشادي ڪريو۔                                 (بہجۃالاسرار،ذکرکلمات اخبربھا…الخ، ص۴۸)

      حُضُور غوثِ پاڪ رَحْمَةُ الله تَعَالىٰ عَلَيه پنهنجي اباڻي علائقي ۾ ابتدائي تعليم حاصل ڪرڻ کان پوءِ عِلمِ دِين جي وڌيڪ جُستجو کڻي 488 هجري ۾ 18 سالن