پوءِ مٿي اگھاڙي غوثِ پاڪ رَحْمَةُ الله تَعَالىٰ عَلَيه جي منبرِاقدس وٽ حاضر ٿيا۔ پاڻ ..................واري واري سان هر هڪ کي سيني سان لڳايو ۽ فرمايائون ته توهان جو سوال هي هو ۽ ان جو جواب هي آهي، ائين هڪ هڪ ڪري سڀني جا مسئلا ۽ انهن جا جواب ارشاد فرمايا۔ جڏهن مجلسِ مبارڪ ختم ٿي ته مان انهن فقهاء وٽ ويس ۽ انهن کان پڇيو ته هي ڇا ماجرو آهي؟ ته انهن (غوث کي آزمائڻ جو وبال بيان ڪندي ٻڌايو ته ) جڏهن اسان اتي اچي ويٺاسين ته هڪدم سڀ ڪجھ ائين ڀلجي وياسين جيئن اسان کي ڪجھ نٿو اچي ، پر جڏهن غوثِ پاڪ رَحْمَةُ الله تَعَالىٰ عَلَيه اسان کي پنهنجي مُبارڪ سيني سان لڳايو ته اسان مان هر هڪ جو علم واپس آيو ۽ ان کان به وڌيڪ حيرت انگيز ڳالھ هي آهي ته حضور غوثِ پاڪ رَحْمَةُ الله تَعَالىٰ عَلَيه اسان جي سوالن جا اهي جواب ارشاد فرمايا جيڪي پهريان اسان جي علم ۾ نه هئا۔

(قلائدُ الجواهر،ص ۳۳۔بهجۃ الاسرار ذڪر وعظه ،ص۹۶)

صَلُّو ْا عَلَي الْحَبِيب!                                                                                  صَلَّي الله تَعَالٰي عَلٰي مُحَمَّد

مٺا مٺا اسلامي ڀائرو! غوثِ پاڪ رَحْمَةُ الله تَعَالىٰ عَلَيه پنهنجي سڄي زندگي عِلمِ دِين جي ترويج ۽ اشاعت ۾ گذاري۔ اسان کي به سندن سيرت تي هلندي عِلمِ دِين حاصل ڪرڻ ۾ مشغول ٿيڻ گھرجي۔ اَلْـحَمْـدُ لـِلّٰـه عَزَّوَجَلَّ اڄوڪي دور ۾ دعوتِ اسلامي اسان جي آساني جي لاءِعلمِ دين سيکڻ جا گھڻا ذريعا مهيا ڪيا آهن۔ مدني مُنّن ۽ مدني مُنّين جي بهتر تعليم ۽تربيت جي لاءِ مدارسُ المدينه،