کے حَل کیلئے اعلیٰ حضرت رَحْمَۃُ اللہِ تَعَالٰی عَلَیْہ کےتحریر کردہ فتاویٰ سے رُجُوع کرتے ہیں۔ اَلْحَمْدُلِلّٰہ عَزَّوَجَلَّ فتاویٰ رضویہ قرآن،حدیث،اِجماع اور فقہائے کرام کے جُزئیات (جُزْ۔ئی۔یات) سے آراستہ  ہر قسم کے مسائل کا ایسا حَسِین گُلدستہ ہے، جو رہتی دنیا تک لوگوں کے قلب و فکر کو اپنی مہکی مہکی خوشبو سے مہکاتا رہے گانیز اعلیٰ حضرت رَحْمَۃُ اللہِ تَعَالٰی عَلَیْہ کے مزارِ پُر انوار میں آپ رَحْمَۃُ اللہِ تَعَالٰی عَلَیْہکے بلند درجوں میں مزید اضافے کا سبب بنتا رہے گا۔اِنْ شَآءَ اللہعَزَّ  وَجَلَّ ۔

مسلکِ حق کی ضمانت ہے ترا نام رضا      شانِ تحقیق ادا کر گیا خامہ تیرا

فاضل ایسا کہ دیا ربّ نے تجھے فضلِ کبیر      عالِم ایسا کہ ہر عالَم ہوا شیدا تیرا

ہر ورق تیرا شریعت کی دلیلِ روشن       ایک قانونِ مکمل ہے فتاویٰ تیرا

تری تحریر پہ اَنگُشْت بَدَنْداں تھا عرب        تیری تقریر تھی کہ قادری تیغا تیرا

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

فتاوٰی رَضَوِیہ کی خصُوصِیات 

     میٹھے میٹھے اسلامی بھائیو!آئیے!اب ہم اعلیٰ حضرترَحْمَۃُ اللّٰہ ِتَعَالٰی عَلَیْہ کےفِقْہی مقام کو سمجھنے کے لئے مسائلِ فِقْہ سے سجے ہوئے بے مثال فتاویٰ جات پرمُشتمل مجموعہ بنام”فتاویٰ رضویہ“ کی خصُوصیات میں سے چند خصُوصِیات کے بارے میں سنتے ہیں چُنانچہ

    ٭فتاویٰ رضویہ میں علمِ حدیث و علمِ فقہ کی کُتُب کا بَھر پُورعِلم موجود ہے٭ فتاویٰ رضویہ  میں نادرونایاب حوالوں کابھی جگہ بہ جگہ ذِکرکیا گیاہے٭ فتاویٰ رضویہ میں قرآن وحدیث کی روشنی میں نِتْ نئےمسائل حل کیے گئے ہیں ٭فنِّ رِیاضی اورعلمِ تَوقِیْت کے ساتھ ساتھ علمِ میراث کے متعلق