گھر میں آنے جانے کی سنتیں اور آداب

آئیے!شیخِ طریقت،امیرِ اہلسنّت حضرت علامہ مولانا ابو بلال محمد الیاس عطار قادری رضوی ضیائی دَامَتْ بَـرَکاتُہُمُ الْعَالِیَہ کے رسالے101 مدنی پھول سے گھر میں آنے جانے کی چند سنتیں اور آداب سنتے ہیں: ٭جب گھرسے باہَر نکلیں تو یہ دُعا پڑھئے:بِسْمِ اللہِ تَوَکَّلْتُ عَلَی اللہِ لَاحَوْلَ وَلَا قُوَّۃَ اِلَّا بِاللہِ(اللہ عَزَّ  وَجَلَّ  کے نام سے ،میں نے اللہ عَزَّ  وَجَلَّ پر بھروسہ کیا ۔اللہ عَزَّوَجَلَّ کے بغیر نہ طاقت ہے نہ قوَّت۔)⁽¹⁾اِنْ شَآءَ اللہعَزَّ  وَجَلَّ اس دُعاکوپڑھنے کی بَرَکت سے سیدھی راہ پر رہیں گے، آفتوں سے حفاظت ہو گی اور اللہ عَزَّ  وَجَلَّ کی مدد شاملِ حال رہے گی۔٭اپنے گھر میں آتے جاتے محارِم ومَحرمات (مَثَلاً ماں، باپ ، بھائی،بہن، بال بچّے وغیرہ)کوسلام کیجئے۔٭اللہ عَزَّ  وَجَلَّ  کا نام لئے بغیر مَثَلاً بِسْمِ اللہ کہے بغیر جو گھر میں داخل ہوتا ہے شیطان بھی اُس کے ساتھ داخِل ہو جاتا ہے۔٭ اگر ایسے مکان(خواہ اپنے خالی گھر) میں جانا ہو کہ اس میں کوئی نہ ہو تو یہ کہئے:اَلسَّلَامُ عَلَیْنَا وَعَلیٰ عِبَادِ اللہِ الصّٰلِحِیْن(یعنی ہم پر اور اللہ عَزَّ  وَجَلَّ کے نیک بندوں پر سلام )فِرِشتے اس سَلام کا جواب دیں گے۔⁽²⁾یا اس طرح کہے: اَلسَّلَامُ عَلَیْکَ اَیُّھَا النَّبِیُّ(یعنی یا نبی آپ پر سلام )کیونکہ حُضُورِ اَقدس صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی رُوحِ مُبارَک مسلمانوں کے گھروں میں تشریف فرما ہوتی ہے۔⁽³⁾ ٭جب کسی کے گھر میں داخل ہونا چاہیں تو اِس طرح کہئے : اَلسَّلامُ عَلَیْکُمْ کیا میں اندر آسکتاہوں ؟ ٭ اگر داخلے کی اجازت نہ ملے تو بَخوشی لوٹ جائیے ہو سکتا ہے، کسی مجبوری کے تحت صاحبِ خانہ نے اِجازت نہ دی ہو ٭ جواب میں نام بتانے کے بعد دروازے سے ہٹ کر کھڑے ہوں تا کہ دروازہ کھلتے ہی گھر کے اندر نظر نہ پڑے ٭کسی کے گھر جائیں تو وہاں کے انتِظامات پر بے جا تنقید نہ کیجئے اِس سے اُس کی دل آزاری ہو سکتی ہے ٭واپَسی پر اَہلِ خانہ کے حق میں دُعا بھی کیجئے اور شکریہ بھی اَدا

مـــــــــــــــــــــــــــــــــــــــــــــــــــــــــــــــــــــــــدینـــہ

1… ابوداود،۴ /۴۲۰، حدیث:۵۰۹۵

2… رَدُّالْمُحتار،۹ / ۶۸۲

3… شرح الشّفاء للقاری، ۲/۱۱۸