شِکایَت کرتا ہے ؟ تُو کیا جانے کہ تیرے لئے بَھلائی کس چیز میں ہے!تُو کیا جانے کہ تجھ پر کیسی سَخْت مصیبت آنے والی تھی جو اِس  دُعا نے دُور کی ،تُو کیا جانے کہ اِس دُعا کے عِوَض کیسا ثواب تیرے لئے ذَخِیرہ ہورہا ہے ،اُس رَبّ کا وَعدہ سچّا ہے اور قَبول کی یہ تینوں صُورتیں ہیں، جن میں ہر پہلی، پچھلی سے اَعلیٰ ہے۔ ہاں، بے اِعتِقادی آئی تَویقین جان کہ ماراگیااور اِبلیسِ لَعِین نے تجھے اپنا ساکر لیا۔^([1])

مُسلماں ہوں اگرچہ بَد ہوں،سچّے دِل سے کرتا ہوں                تِرے ہر حکم کے آگے سرِ تسلیم خم مولیٰ

         خِرَد کرتی نہیں اب کام اِلٰہی!میں ہوا ناکام                            تجھی سے اِلتجاء ہے مجھ پہ کر رحم و کرم مولیٰ

 (وسائلِ بخشش مُرَمّم،ص97)

صَلُّوْا عَلَی الْحَبِیْب!                 صَلَّی اللّٰہُ تَعَالٰی عَلٰی مُحَمَّد

مجلسِ تَوْقیت کا تعارف

میٹھے میٹھے اسلامی بھائیو!اَلْحَمْدُ لِلّٰہ عَزَّ  وَجَلَّ سُنّتوں  کی خِدمت اور نیکی کی دعوت کو عام کرنے کے لئے تبلیغِ قرآن وسنت کی عالمگیر غیر سیاسی تحریک دعوتِ اسلامی کے تحت اب تک 100 سے زائدشعبہ جات کا قیام عمل میں آچکا ہے۔اِنہی شعبہ جات میں سے ایک شعبہ ”مجلسِ تَوْقیت“بھی ہے۔ تَوْقِیت سے مُراد وہ عِلْم ہے جس کی مدد سے دُنیا کے کسی بھی مقام کے لئے نمازِ پنجگانہ، طُلوع وغُروب(سحری و اِفطارکے اوقات)، نِصْفُ النَّـھَار اور مِثْلِ اوّل و ثانی وغیرہ کے اَوْقات معلوم کئے جاتے ہیں نیز دُرست سَمتِ قِبلہ کا تَـعَـیُّن کِیا جاتا ہے۔ اعلیٰ حضرت، اِمام اہلسنت، مُجدِّد ِدین و مِلّت، پروانۂ شمع ِرسالت، مولانا شاہ امام احمد رضا خان رَحْمَۃُ اللّٰہ ِتَعَالٰی عَلَیْہ  نے اپنے ایک مکتوب میں اِس عِلْم کی اَھَـمِّیَّت کے مُتَعَلِّق فرمایا:عَلّامہ اِبنِ حَجَر مکی رَحْمَۃُ اللّٰہ ِتَعَالٰی عَلَیْہ  نے ’’الـزَّوَاجِر ‘‘ میں اِس (عِلْم ) کو فَرْضِ کِـفَایَه لِکھا