اِعْتِـکاف کی ترکیب فرمائیں۔

                                                اَلْحَمْدُ لِلّٰہ عَزَّ  وَجَلَّ یہ اِعْتِـکاف مسجد میں ہوتا ہے تو اِس سے مساجد بھی آباد رہیں گی اور مسجد کے آداب کا خیال رکھنے اور ہر طرح کی بے اَدَبی سے بچنے کی صُورت میں ہمارا مسجد میں گُزارا ہوا ہر ہر لمحہ بھی عِبادَت میں شُمار ہو گا،مسجد سے مَحَبَّت کرنے اور اُس میں اپنا زیادہ سے زیادہ وقت گُزارنے کی بڑی فضیلت ہے چُنانچہ

        حضرت سَیِّدُنا ابُو سَعِیْد خُدْرِی رَضِیَ اللہُ تَعَالٰی عَنْہُ سے روایت ہے کہ تاجدارِ رسالت، شہنشاہِ نُـبُوّت صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے فرمایا :جب تم کسی شخص کو دیکھو کہ وہ مسجد میں کثرت سے آمد و رَفْت رکھنے والا ہے تو اُس کے اِیمان کی گواہی دو کیونکہاللہُ خالق و مالک عَزَّ وَجَلَّ کا ارشادِ پاک ہے :

اِنَّمَا یَعْمُرُ مَسٰجِدَ اللّٰهِ مَنْ اٰمَنَ بِاللّٰهِ وَ الْیَوْمِ الْاٰخِرِ (پ ۱۰ ،التوبہ :۱۸)

ترجَمۂ کنز الایمان :اللہ کی مسجد یں وہی آباد کرتے ہیں جو اللہ اور قیامت پر ایمان لاتے (ہیں)۔ ⁽¹⁾

        حضرت سَیِّدُنا ابُو سَعِیْد خُدریرَضِیَ اللّٰہُ تَعَالٰی عَنْہُ  سے روایت ہے كہ سرکارِ دو عالَم ،نورِ مُجَسَّم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَنے فرمایا:جو مسجد سے مَحَبَّت کرتا ہے اللہ عَزَّ  وَجَلَّ اُسے اپنا مَحبوب بنا لیتاہے۔⁽²⁾

          میٹھے میٹھے اسلامی بھائیو! اَلْحَمْدُ لِلّٰہ عَزَّ  وَجَلَّ!آج کے اس پُر فِتَن دَور میں تبلیغِ قرآن و سُنّت کی عالمگیر غیرسیاسی مسجد بھرو تحریک دعوتِ اسلامی سنتوں بھرا پاکیزہ ماحول مُہیّا کر رہی ہے۔ اللہ عَزَّ  وَجَلَّ کے فضل وکرم سے اِس مدنی ماحول سے وابستہ ہو کر نجانے کتنے گُناہ گاروں کو تَوْبہ کی تَوْفیق ملی اور اب وہ صلوٰۃ وسُنّت کے پابند ہو کر ایک باعمل و باکردار مُسَلمان  کی حَیْثِیّت سے زندگی گُزار رہے ہیں۔ اَلْحَمْدُلِلّٰہ عَزَّ  وَجَلَّ فی زمانہ دعوتِ اسلامی کا مدنی ماحول نماز روزے کی پابندی اور مسجدوں کے اَدب و اِحْتِرام کا خیال رکھتے ہوئے اُن کی آبادکاری کے سلسلے میں نہایت ہی اہم کردار اَدا کررہا ہے لہٰذا اگر ہم بھی اپنے دلوں میں مساجد

ـــــــــــــــــــــــــــــــــــــــــــــــــــــــــــــــــــــــــــــــ

[1]… ترمذی ، کتاب الایمان ، با ب ماجا ء فی حرمۃ الصلوۃ ،رقم: ۲۶۲۶ ،۴/۲۸۰

2… مجمع الزوائد ،کتا ب الصلوۃ ،با ب لزوم المساجد ،رقم:۲۰۳۱ ،۲/۱۳۵