Husn-e-Zan ki Barkatain

Al Quran Books Madani Channel

Magazine Courses Media

بُری صُحبت سے بچتے ہوئے نیک صُحبت اِختِیار کیجئے،جہاں اس کی دیگر بَرَکتیں حاصل ہوں گی وَہیں حُسنِ ظَن کی عادت بھی بنے گی۔

میٹھے میٹھے اسلامی بھائیو!حُسنِ ظَن کی عادت اپنانےاور بد گمانی سے پیچھا چُھڑانے کے لیے تبلیغ ِ قرآن وسُنَّت کی عالمگیر غیر سیاسی تحریک دعوتِ اسلامی کے مَدَنی ماحول سے وابستہ ہوجایئے۔ اِنْ شَآءَ اللہعَزَّ وَجَلَّ!مَدَنی ماحول کی بَرکت سے اعلیٰ اَخْلاقی اَوصاف غیرمحسوس طور پرہمارے کردار کا حصّہ بنتے چلے جائیں گے۔ اپنے شہر میں ہونے والے دعوتِ اسلامی کے ہفتہ وارسُنَّتوں بھرے اجتماع میں شرکت اور راہِ خُدا عَزَّ وَجَلَّمیں سفر کرنے والے عاشقان ِ رسول کے مَدَنی قافلوں میں سفر کیجئے ۔ مَدَنی قافلوں میں سفر کی برکت سے اپنے سابقہ طرزِ زِندگی پر غوروفکر کا موقع ملے گا اور دل حُسن ِ عاقبت کے لئے بے چین ہوجائے گا، جس کے نتیجے میں اِرْتکاب ِ گُناہ کی کثرت پر ندامت محسوس ہوگی اور توبہ کی توفیق ملے گی اِنْ شَآءَاللہعَزَّ وَجَلَّ ۔ عاشقان ِ رسول کے مدنی قافلوں میں مُسلسل سفر کرنے کے نتیجے میں زبان پر فُحُش کلامی اور فُضُول گوئی کی جگہ دُرُود ِ پاک جاری ہوجائے گا ،یہ تلاوتِ قرآن ،حمد ِ الٰہی اورنعتِ رسولصَلَّی اللہُ تَعَالٰی عَلَیْہِ وَاٰلِہٖ وَسَلَّمَکی عادی بن جائے گی ، غُصیلہ پن رُخْصت ہوجائے گا اور اس کی جگہ نرمی لے لے گی ، بے صبری کی عادت ترک کرکے صابروشاکر رہنا نصیب ہوگا ،بدگمانی کی عادتِ بد نکل جائے گی اور حُسنِ ظَن کی عادت بنے گی ، تکبُّر سے جان چُھوٹ جائے گی اوراِحْترامِ مُسلم کا جذبہ ملے گا،دُنیاوی مال ودولت کی لالچ سے پیچھا چُھوٹے گا اور نیکیوں کی حرص ملے گی ،اَلْغَرَض! بار بار راہِ خدا عَزَّوَجَلَّ میں سفر کرنے والے کی زِندگی میں مَدَنی اِنْقلاب برپا ہوجائے گا۔

گنہگارو آؤ! سِیہ کارو آؤ!		گُناہوں کو دیگا چُھڑا مَدَنی ماحول
پِلا کر مئے عشق دیگا بنا یہ		تمہیں عاشقِ مُصْطَفٰے مَدَنی ماحول

صَلُّو ْا عَلَی الْحَبِیْب! صَلَّی اللہُ تَعَالٰی عَلٰی مُحَمَّد

Important

Mobile Apps

Contact Us