صَــلُّـوْا عَـلَـی الْـحَبِيْـب!                                   صَـلَّـی اللهُ تَعالٰـی عَلـٰی مُـحَـمَّد

بيان جوخُلاصو

مٺا مٺا اسلامي ڀائرو! اڄ اسان صَحابهء ڪِرام عَـلَيْهِمُ الرِّضْوَان جي شان ۽ عظمت جي باري ۾ ٻڌو۔ انبياءِ ڪرام عَـلَيْـھمُ الـصَّلٰوة ُ وَالـسَّلَام کان پوءِ تمام انسانن ۾ صَحابهء ڪِرام عَـلَيْهِمُ الرِّضْوَان ئي سڀ کان وڌيڪ تعظيم ۽ توقير (ادب) جي لائق آهن۔ هي اهي مُقدَّس ہَستيون آهن، جن رَسُولُ اللہ صَلَّى اللهُ تَعَالٰى عَلَيْهِ وَاٰلِهٖ وَسَلَّم جي دعوت تي لَبَّيڪ چوندي اِسلام قَبول ڪيو ۽ پنهنجي تَن مَن ڌَن سان اسلام جي پيغام کي دُنيا جي ڪنڊ ڪڙڇ تائين پہچايو۔ ان مُبارڪ ہستين پرچمِ اسلام جي سربلندي جي لاءِ اهڙيون بي مثال قربانيون ڏنيون، جن جو تَصوُّر به اڄ مشڪل آهي۔ اللہ عَزَّوَجَلَّ اسان کي به شمعِ رسالت جي انهن پروانن جي سچي اُلفَت ۽ مَحَبَّت عطا فرمائي ۽ انهن جي نقشِ قدم تي هلڻ جي توفيق عطا فرمائي۔

اٰمِين بِجَاهِ النّبيِّ الاَمِين صَلَّى اللهُ تَعَالٰى عَلَيْهِ وَاٰلِهٖ وَسَلَّم

مجلس ”المَدينة العلميه “ جو تَعارُف

مٺا مٺا اسلامي ڀائرو! تبليغِ قرآن و سُنَّت جي عالمگير غير سياسي تحريڪ دعوتِ اسلامي نيڪي جي دعوت، اِحياءِ سُنَّت ۽ اِشاعتِ علمِ شريعت کي پوري دُنيا ۾ عام ڪرڻ جو عزمِ مُصَمَّم (پُختو اِرادو) رکي ٿي، اِن سڀني معاملن کي چڱي انداز سان سَر انجام ڏيڻ جي لاءِ ڪيترن ئي شعبن جو قيام عمل ۾ آندو ويو آهي، جن مان هڪ شعبو المَدينة العلميه به